ഇന്ത്യൻ ഷോർട്ട് ഫിലിം സൊസൈറ്റി (ഐ.എസ്.എഫ്.എസ്.) ജില്ലാ പ്രവർത്തക കൺവെൻഷൻ വളാഞ്ചേരിയിൽ നടന്നു

വളാഞ്ചേരി: ഇന്ത്യൻ ഷോർട്ട് ഫിലിം സൊസൈറ്റി (ഐ.എസ്.എഫ്.എസ്.) ജില്ലാ പ്രവർത്തക കൺവെൻഷൻ വളാഞ്ചേരിയിൽ നടന്നു. വോൾഗാ ഹാളിൽ ദേശീയ സമിതി അംഗം ഷിന്റോ ബേബി ഉദ്ഘാടനം ചെയ്തു. സമൂഹനന്മയ്ക്കുള്ള സന്ദേശങ്ങളാകണം ഹ്രസ്വചിത്രങ്ങൾ സംവദിക്കേണ്ടതെന്നും യുവാക്കൾക്കിടയിൽ പടരുന്ന ലഹരി ഉപയോഗത്തിനെതിരെ പ്രതികരിക്കണ്ടേത് സംഘടനയുടെ ഉത്തരവാദിത്വമാണെന്നും അദ്ദേഹം പറഞ്ഞു. ജില്ലാ പ്രസിഡന്റ് സി. കരുണകുമാർ അധ്യക്ഷനായി. ജ്യോതി ആക്കോട്, സംസ്ഥാന വൈസ് പ്രസിഡന്റ് ഫിറോസ്ബാബു പൂക്കാട്ടിരി, ഷഫീഖ്, സൈമൺ, രാകേഷ്, ഗ്രീഷ്മ, രോഹിണി, ബാബുരാജ് മൊറയൂർ എന്നിവർ പ്രസംഗിച്ചു. ഓഗസ്റ്റ് മാസത്തിൽ അഭിനയക്കളരി, തിരക്കഥാരചന, സംവിധാനം എന്നിവയെക്കുറിച്ച് ശില്പശാല നടത്താനും കൺവെൻഷൻ തീരുമാനിച്ചു.