സിമന്റ് ബ്രിക്സ് ആൻഡ് ഇൻറർലോക് മാനുഫാക്ച്ചേഴ്സ് അസോസിയേഷൻ ഓഫ് കേരള (സിമാക്) സംസ്ഥാന പ്രവർത്തകസംഗമം കുറ്റിപ്പുറത്ത് നടന്നു

കുറ്റിപ്പുറം : നിർമാണമേഖലയിൽ പണിയെടുക്കാൻ മലയാളികൾക്ക് താത്‌പര്യം കുറഞ്ഞുവരുകയാണെന്ന് മന്ത്രി വി. അബ്ദുറഹ്‌മാൻ. സിമന്റ് ബ്രിക്സ് ആൻഡ് ഇൻറർലോക് മാനുഫാക്ച്ചേഴ്സ് അസോസിയേഷൻ ഓഫ് കേരള (സിമാക്) സംസ്ഥാന പ്രവർത്തകസംഗമം കുറ്റിപ്പുറം ഒലീവ് കൺവെൻഷൻ സെന്ററിൽ ഉദ്ഘാടനം ചെയ്യുകയായിരുന്നു അദ്ദേഹം. ഈ മേഖലയിലെ അസംസ്‌കൃതവസ്തുക്കളുടെ ഗുണനിലവാരം ഉറപ്പുവരുത്തണമെന്നും അദ്ദേഹം പറഞ്ഞു. സംസ്ഥാന പ്രസിഡന്റ് ജിമ്മി മാത്യു അധ്യക്ഷതവഹിച്ചു. ആബിദ്ഹുസൈൻ തങ്ങൾ എം.എൽ.എ., സംസ്ഥാന ജനറൽസെക്രട്ടറി മലബാർ രമേഷ്, വി.പി. മജ്നുവാദ്, പ്രവീൺ, ആർ. ദിനേശ്, ഫസലുൽ ഹഖ് പറമ്പാടൻ തുടങ്ങിയവർ പ്രസംഗിച്ചു.