മിറർ റൈറ്റിങ്ങിലൂടെ റെക്കോർഡ് ബുക്കിൽ ഇടം നേടി എടയൂരിൽ നിന്നുള്ള സഹോദരിമാർ

എടയൂർ:മിറർ റൈറ്റിങ്ങിൽ ഇന്ത്യൻ ബുക്ക് ഓഫ് റെക്കോർഡിസിൽ ഇടം നേടി എടയൂരുകാരായ ഷെറിൻ സാറ ഷാജിയും സഹോദരി ഷോണ സാറ ഷാജിയും. ഷെറിൻ നമ്മുടെ നാടിന്റെ പ്രതിജ്ഞ മലയാളത്തിൽ മിറർ ഇമേജിലെഴുതി നിലവിലുള്ള റെക്കോർഡ് 2 മിനിട്ട് 41 സെക്കന്റ് എന്നത് ഇടതു കൈ കൊണ്ട് 2 മിനിട്ട് 36 സെക്കന്റിലെഴുതി റെക്കോർഡ് തിരുത്തിയപ്പോൾ സഹോദരി ഷോണ കേരളത്തിലെ 14 ജില്ലകളുടെ പേരുകൾ ഇംഗ്ലീഷിൽ 1 മിനിട്ട് 11 സെക്കന്റ് എന്ന റെക്കോർഡ് 1 മിനിട്ട് 4 സെക്കന്റ് എന്നതിലേക്ക് തിരുത്തി എഴുതി. വളരെ ചെറുപ്രായത്തിൽ തന്നെ ഇവർ മിറർ റൈറ്റിംഗ് തുടങ്ങിയിരുന്നു ഈ മിടുക്കികൾ. ഷെറിൻ സാറ ഷാജി ബി.എച്.എസ്.എസ് മാവണ്ടിയൂർ 9-ാം ക്ലാസിലും, ഷോണ സാറ ഷാജി കെ.എം.യു.പി സ്കൂൾ 7-ാം ക്ലാസിലും പഠിക്കുന്നു. ഷോണ കെ.എം.യു.പി സ്കൂൾ ലീഡറുമാണ്. ബി.എച്.എസ്.എസ് ഹയർ സെക്കന്ററി അധ്യാപകൻ ഷാജി പേരോഴിയുടെയും കെ.എം.യു.പി സ്കൂൾ അധ്യാപിക സ്മിത ടീച്ചറുടെയും മക്കളാണ്.