വളാഞ്ചേരിയിൽ പാചകവാതക സിലിണ്ടർ ചോർന്നുണ്ടായ തീപ്പിടുത്തത്തിൽ ആറ് പേർക്ക് പരിക്ക്

വളാഞ്ചേരി:വളാഞ്ചേരിയിൽ പാചക വാതക സിലിണ്ടറിൽ നിന്നുള്ള ചോർച്ചയെ തുടർന്നുണ്ടായ തീപ്പിടുത്തത്തിൽ ആറ് പേർക്ക് പരിക്കേറ്റു. കിഴക്കേകര റോഡിൽ ഇതര സംസ്ഥാന തൊഴിലാളികൾ ഒന്നിച്ച് താമസിക്കുന്ന വാടക കെട്ടിടത്തിൽ ഇന്ന് രാത്രി എട്ട് മണിയോടെയാണ് സംഭവം. കൊൽക്കത്ത മുർഷിദാബാദ് സ്വദേശികളായ ഷെന്തു ഷൈക്ക് (30) ,മഷീദുൽഷൈക്ക്, ഷഹീൽ (27), ഇoറാൻ (48), വീർവൽ അസ്ലം (30), ഗോപ്രോകുൽ (30) എന്നിവർക്കാണ് പരിക്ക്. ഇതിൽ രണ്ട് പേരുടെ നില ഗുരുതരമെന്നാണ് പുറത്ത് വരുന്ന വിവരം.

അപകടം നടന്നയുടനെ പരിക്കേറ്റവരെ നാട്ടുകാർ ചേർന്ന് വളാഞ്ചേരിയിലെ സ്വകാര്യ ആശുപത്രികളിൽ എത്തിച്ചെങ്കിലും പരിക്കു സാരമായതിനാൽ രാത്രിയോടെ കോഴിക്കോട് മെഡിക്കൽ കോളജിലേക്ക് മാറ്റുകയായിരുന്നു.