രക്ഷിതാക്കൾ മരണപ്പെട്ട കുട്ടികൾക്കുള്ള സ്നേഹപൂർവ്വം പദ്ധതിയിലേക്ക് ഇപ്പോൾ അപേക്ഷിക്കാം

മാതാപിതാക്കൾ ഇരുവരും അഥവാ ഇവരിൽ ഒരാൾ മരിച്ചുപോവുകയും ജീവിച്ചിരിക്കുന്നയാൾക്ക് സാമ്പത്തികപരാധീനതയാൽ കുട്ടികളെ സംരക്ഷിക്കാൻ കഴിയാത്ത അവസ്ഥയിൽ ഇത്തരം കുട്ടികളെ സ്വഭവനങ്ങളിൽ/ബന്ധുഭവനങ്ങളിൽ താമസിപ്പിച്ച് വിദ്യാഭ്യാസം നല്‍കി സമൂഹത്തിന്‍റെ മുഖ്യധാരയിലേക്ക് കൊണ്ടുവരുന്നതിനുള്ള പ്രതിമാസ ധനസഹായ പദ്ധതിയാണിത്.

 

BPL കുടുംബങ്ങളിലെ അല്ലെങ്കിൽ  നഗരപ്രദേശങ്ങളിൽ 22,375/ രൂപയും ഗ്രാമപ്രദേശങ്ങളിൽ 20,000/ രൂപയും വരെ വാർഷിക വരുമാനമുള്ള കുടുംബങ്ങളിലെ സർക്കാർ/എയ്ഡഡ് സ്ഥാപനങ്ങളിൽ ഡിഗ്രി/പ്രൊഫഷണൽ ക്ലാസ്സുകളിൽ വരെ പഠിക്കുന്ന വിദ്യാർഥികൾക്ക് ചുവടെ പറയുന്ന നിരക്കിൽ പ്രതിമാസ ധനസഹായം അനുവദിക്കുന്നു.

 

5 വയസ്സിനു താഴെ ഉള്ള കുട്ടികൾക്കും,1 മുതൽ 5 വരെ ക്ലാസ്സുകളിൽ പഠിക്കുന്ന കുട്ടികൾക്കും പ്രതിമാസം 300/-രൂപ

 

6 മുതൽ 10 വരെ ക്ലാസ്സുകളിൽ പഠിക്കുന്ന കുട്ടികൾക്ക് പ്രതിമാസം 500/-രൂപ

 

11, 12 ക്ലാസ്സുകളിൽ പഠിക്കുന്ന കുട്ടികൾക്ക് പ്രതിമാസം 750/-രൂപ

 

 ഡിഗ്രി/ പ്രൊഫഷണൽ കോഴ്സുകൾക്ക് പഠിക്കുന്നവർക്ക് പ്രതിമാസം 1000/-  രൂപ

 

മാനദണ്ഡങ്ങൾ

1. മാതാപിതാക്കൾ ഇരുവരും അഥവാ ഇവരിൽ ഒരാൾ മരിച്ചുപോവുകയും ജീവിച്ചിരിക്കുന്നയാൾക്ക് സാമ്പത്തിക പരാധീനതയാൽ കുട്ടികളെ സംരക്ഷിക്കാൻ കഴിയാത്ത അവസ്ഥയുള്ള കുടുംബങ്ങൾക്ക് ധനസഹായത്തിന് അർഹതയുണ്ടായിരിക്കും.

 

2. ബിപിഎൽ വിഭാഗത്തിൽപ്പെട്ട കുട്ടികൾക്കാണ് ഈ പദ്ധതിയുടെ പ്രയോജനം ലഭിക്കുന്നത്. എന്നിരുന്നാലും എപിഎൽ വിഭാഗത്തിൽപ്പെട്ട വാർഷിക വരുമാനം ഗ്രാമീണ (തദ്ദേശസ്വയംഭരണ / ഗ്രാമപഞ്ചായത്ത്) മേഖലയിൽ 20,000വരെയും നഗരങ്ങളിൽ  22,375 വരെയുമുള്ള കുട്ടികൾക്കും  ഈ പദ്ധതിയുടെ പ്രയോജനം ലഭിക്കപ്പെടും.

 

3. എച്ച്.ഐ.വി/എയ്ഡ്സ് ബാധിതരായ കുട്ടികളെയും സ്നേഹപൂർവ്വം പദ്ധതിയിൽ ഉൾപ്പെടിത്തിയിട്ടുണ്ട്. എയ്ഡ്സ് കൺട്രോൾ സൊസൈറ്റി മുഖേന  അപേക്ഷ നൽകേണ്ടതാണ്.

 

മാർഗ നിർദേശങ്ങൾ

 

1. നിലവിലുള്ള രക്ഷാകർവിന്‍റെയും കുട്ടിയുടെയും പേരിൽ നാഷണലൈസ്ഡ് ബാങ്കിൽ അക്കൗണ്ട് തുടങ്ങി ലഭിച്ച പാസ്സ്ബുക്കിന്‍റെ പകർപ്പ് ഉള്ളടക്കം ചെയ്തിരിക്കണം.

 

2. മാതാവിന്‍റെ/ പിതാവിന്‍റെ മരണസര്‍ട്ടിഫിക്കറ്റ്, ബി.പി.എൽ സർട്ടിഫിക്കറ്റ്/ ബി.പി.എൽ റേഷൻ കാർഡിന്റെ കോപ്പി/ വില്ലേജ് ആഫീസറിൽ നിന്നുളള വരുമാന സർട്ടിഫിക്കറ്റ് എന്നിവയുടെ സാക്ഷ്യപ്പെടുത്തിയ പകർപ്പ് ഉള്ളടക്കം ചെയ്തിരിക്കണം.

 

3. ആധാർ / തിരിച്ചറിയൽ കാർഡിന്‍റെ പകർപ്പ് സമർപ്പിക്കേണ്ടതാണ്.

 

4. സ്നേഹപൂർവ്വം പദ്ധതി ആനുകൂല്യം വരും വർഷങ്ങളിലും തുടർന്ന് ലഭിക്കുന്നതിന് ഓരോ അദ്ധ്യായന വർഷവും1മുതൽ 5വരെ ക്ലാസ്സുകളിൽ പഠിക്കുന്നവർ ഓൺലൈൻ ആയി അപേക്ഷിക്കേണ്ടതാണ്.

 

5. അപേക്ഷയോടൊപ്പം ചേർക്കേണ്ട രേഖകളുടെ പകർപ്പ് ഗസറ്റഡ് ഓഫീസർ സാക്ഷ്യപ്പെടുത്തേണ്ടതാണ്.

 

അപേക്ഷിക്കേണ്ടവിധം      

 

ഗുണഭോക്താവ് 5 വയസ്സിനു മുകളിലുള്ള കുട്ടിയാണെങ്കിൽ കേരള സാമൂഹ്യ സുരക്ഷാ മിഷൻ  ഓൺലൈൻ അപേക്ഷ ക്ഷണിക്കുന്ന സമയത്ത് ആവശ്യമായ രേഖകൾ സഹിതം വെള്ളക്കടലാസിൽ തയ്യാറാക്കിയ അപേക്ഷ സ്ഥാപനമേധാവികൾക്ക് നല്‍കേണ്ടതാണ്. സ്ഥാപനമേധാവികൾ രേഖകൾ പരിശോധിച്ച് പദ്ധതി മാനദണ്ഡങ്ങൾ പ്രകാരം ധനസഹായത്തിന് അർതയുള്ള അപേക്ഷകൾ ഓൺലൈനായി കേരള സാമൂഹ്യ സുരക്ഷാ മിഷൻ എക്സിക്യൂട്ടീവ് ഡയറക്ടര്‍ക്ക് അയക്കേണ്ടതാണ്. എക്സിക്യൂട്ടീവ് ഡയറക്ടർ തുക അനുവദിച്ച് ഗുണഭോക്താക്കളുടെ പേരിലുള്ള ബാങ്ക് അക്കൗണ്ടിലേക്ക് ക്രഡിറ്റ് ചെയ്ത് നൽകുന്നതാണ്.

ഗുണഭോക്താവ് 5 വയസ്സിന് താഴെയുള്ള കുട്ടിയാണെങ്കിൽ ജില്ലാ ചൈല്‍ഡ് വെൽഫയർ കമ്മിറ്റി ചെയർമാന്‍റെ സാക്ഷ്യപത്രം ഉൾപ്പെടെ ആവശ്യമായ രേഖകൾ സഹിതം കേരള സാമൂഹ്യ സുരക്ഷാ മിഷൻ എക്സിക്യൂട്ടീവ് ഡയറക്ടർക്ക് നേരിട്ട് അപേക്ഷ നല്‍കേണ്ടതാണ്.

കൂടുതൽവിവരങ്ങൾക്കായിsnehapoorvamonline@gmail.com എന്ന ഈമെയിലിൽ ബന്ധപ്പെടാവുന്നതാണ്.

>>> സ്നേഹപൂര്‍വ്വം അപേക്ഷാഫോം ഡൗൺലോഡ് ചെയ്യുന്നതിനായി ഇവിടെ ക്ലിക്ക് ചെയ്യുക (ഈ അപേക്ഷ  5 വയസ്സിന് താഴെയുള്ള കുട്ടികൾക്ക് മാത്രം ബാധകം ).

അപേക്ഷിക്കേണ്ട അവസാന തിയ്യതി നവംബർ 30.