പൂക്കാട്ടിരി സഫ കാമ്പസിൽ സോളാർ പ്ലാന്റ് സ്ഥാപിച്ചു

എടയൂർ: എടയൂർ ഗ്രാമപ്പഞ്ചായത്തിലെ പൂക്കാട്ടിരി സഫ കാമ്പസിൽ കെ.എസ്.ഇ.ബി.യുടെ സഹകരണത്തോടെ അമ്പത് കിലോവാട്ട് ശേഷിയുള്ള സോളാർ പ്ലാന്റ് സ്ഥാപിച്ചു. ആബിദ് ഹുസൈൻ തങ്ങൾ എം.എൽ.എ. ഉദ്ഘാടനം ചെയ്തു. ഇലക്ട്രിസിറ്റി ബോർഡ് തിരൂർ സർക്കിൾ ഡെപ്യൂട്ടി ചീഫ് എൻജിനീയർ പി.കെ. സുധർമൻ പദ്ധതി വിശദീകരിച്ചു.

സഫ സ്ഥാപനങ്ങളുടെ ചെയർമാൻ വി.പി. യാസിർ അധ്യക്ഷത വഹിച്ചു. എടയൂർ ഗ്രാമപ്പഞ്ചായത്ത് പ്രസിഡന്റ് ഹസീന ഇബ്രാഹിം, വൈസ് പ്രസിഡന്റ് കെ.പി. വേലായുധൻ, അംഗം വിശ്വനാഥൻ, സഫ ട്രസ്റ്റ് സെക്രട്ടറി യു.എ. ഷമീർ, അംഗം കെ. അബ്ദുൽ റഷീദ്, എടയൂർ സെക്ഷൻ അസിസ്റ്റന്റ് എൻജിനീയർ ഹുസ്സൻകുട്ടി, വി.എസ്. അജയൻ, പ്രിൻസിപ്പൽ ഡോ. പി.വി. നിതിൻ, മുഹമ്മദ് അലിഖാൻ തുടങ്ങിയവർ പ്രസംഗിച്ചു.