ആതവനാട് ഗ്രാമപ്പഞ്ചായത്ത് ഫുട്ബോൾ സ്റ്റേഡിയം മുഴങ്ങാണിയിൽ ഒരുങ്ങുന്നു

ആതവനാട്: ആതവനാട് ഗ്രാമപ്പഞ്ചായത്ത് മുഴങ്ങാണിയിൽ നിർമിക്കുന്ന ഫുട്ബോൾ സ്റ്റേഡിയത്തിന്റെ ശിലാസ്ഥാപനകർമം ഇ.ടി. മുഹമ്മദ് ബഷീർ എം.പി. നിർവഹിച്ചു. ഗ്രാമപ്പഞ്ചായത്ത് പ്രസിഡന്റ് ടി.പി. സിനോബിയ അധ്യക്ഷതവഹിച്ചു. ജില്ലാപഞ്ചായത്തംഗങ്ങളായ നസീബ അസീസ്, ബഷീർ രണ്ടത്താണി, കുറ്റിപ്പുറം ബ്ലോക്ക്പഞ്ചായത്ത് വൈസ് പ്രസിഡന്റ് കെ.ടി. ആസാദ്, ഗ്രാമപ്പഞ്ചായത്ത്‌ വൈസ് പ്രസിഡന്റ്‌ ജാസർ കരിങ്കപ്പാറ തുടങ്ങിയവർ പങ്കെടുത്തു. സ്‌പോർട്സ് കിറ്റ് വിതരണവും നടന്നു.