‘വളാഞ്ചേരീസ്’ കൂട്ടായ്മ നിർമ്മിച്ചു നൽകുന്ന രണ്ടാമത് വീടിന്റെ തറക്കല്ലിടൽ കർമ്മം വലിയകുന്നിൽ നടന്നു

ഇരിമ്പിളിയം: ‘വളാഞ്ചേരീസ്’ കൂട്ടായ്മ നിർമ്മിച്ചു നൽകുന്ന രണ്ടാമത് വീടിന്റെ തറക്കല്ലിടൽ കർമ്മം വലിയകുന്നിൽ നടന്നു. വീടിന്റെ തറക്കല്ലിടൽ കർമ്മം വലിയകുന്ന് ടൗൺ ജുമാ മസ്ജിദ് ഇമാം സലീം ഫൈസി നിസാമി നിർവ്വഹിച്ചു. വളാഞ്ചേരി താമസിക്കുന്ന രണ്ട് വിധവകളായ സഹോദരിമാർക്കാണ് ഈ വീട് നിർമ്മിച്ചു നൽകുന്നത്. വീടിന് വേണ്ട മൂന്നര സെന്റ് സ്ഥലം നൽകിയത് ആക്ട് ഓൺ ആണ്.
വളാഞ്ചേരീസ് കൂട്ടായ്മയിലെ അംഗങ്ങളാണ് ഇതിനാവശ്യമായ പണം സ്വരൂപിക്കുക. സുരേഷ് ബാബു മലയത്ത്, മുഹമ്മദാലി പൈങ്കൽ, സലാം വളാഞ്ചേരി തുടങ്ങിയവർ പങ്കെടുത്തു.