ചങ്ങരംകുളം അസ്സബാഹ് കോളേജിൽ സംഘർഷം; വിദ്യാർഥിക്ക് കുത്തേറ്റു
ചങ്ങരംകുളം : അസ്സബാഹ് കോളേജിൽ വിദ്യാർഥികൾ തമ്മിലുണ്ടായ സംഘർഷത്തിൽ രണ്ടാംവർഷ ബിരുദ വിദ്യാർഥി പൊന്നാനി സ്വദേശി നിഹാലിന്‌ (20) കൈക്ക് കുത്തേറ്റു. ഇടതുകൈക്ക് ഗുരുതരമായി പരിക്കേറ്റ നിഹാലിനെ സഹപാഠികൾ ചേർന്ന് ചങ്ങരംകുളത്തെ സ്വകാര്യ ആശുപത്രിയിൽ പ്രവേശിപ്പിച്ചു. പത്തോളം തുന്നലുണ്ട്. ചാലിശ്ശേരി സ്വദേശിയായ മൂന്നാംവർഷ വിദ്യാർഥിയാണ് കത്തിയെടുത്തു കുത്തിയതെന്ന് നിഹാൽ പോലീസിന് മൊഴിനൽകി. ഏതാനും മാസം മുൻപ്‌ റാഗിങ്ങിന്റെ പേരിൽ ഇവർ തമ്മിൽ തർക്കമുണ്ടായിരുന്നു. അന്നും ഇതേ വിദ്യാർഥി ആക്രമിച്ചിരുന്നുവെന്നും നിഹാൽ പറഞ്ഞു. ചങ്ങരംകുളം പോലീസ് അന്വേഷണമാരംഭിച്ചു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
