എഡ്യൂകെയർ പദ്ധതി; എടയൂർ അധികാരിപ്പടിയിൽ പാഠപുസ്തകങ്ങൾ കൈമാറി

എടയൂർ: എടയൂർ പഞ്ചായത്ത് പന്ത്രണ്ടാം വാർഡ് അധികാരിപ്പടിയിൽ എഡ്യൂകെയർ പദ്ധതിയുടെ ഭാഗമായി പാഠപുസ്തകങ്ങൾ കൈമാറി. ഗ്രാമ പഞ്ചായത്ത് പ്രസിഡണ്ട് ഹസീന ഇബ്രാഹിം സ്പോൺസർ ചെയ്ത പ്ലസ് വൺ ക്ലാസിലെക്കുള്ള പാഠപുസ്തകങ്ങൾ എസ്.എസ്.എൽ.സി പരീക്ഷയിൽ മുഴുവൻ എ പ്ലസ് നേടിയ കിഷോർ കുമാറിന് എസ്.വി.എ.എൽ.പി സ്കൂൾ ഹെഡ് മാസ്റ്റർ സൻജീദ് കെ.ടി കൈമാറി. ചടങ്ങിൽ പി.പി ജമാൽ, പി.പി. ഹൈദ്രോസ്, കല്ലിങ്ങൽ ഹംസകുട്ടി, കലകപ്പാറ മൊയ്തീൻ, ചന്ദ്രിക, പ്രേമദാസ് എന്നിവർ സംബന്ധിച്ചു.