വൈരങ്കോട് ഭഗവതീ പുരസ്കാരം ശുകപുരം ദിലീപിന്
തിരുനാവായ: വൈരങ്കോട് ഭഗവതീ ദേവസ്വം നൽകുന്ന രണ്ടാമത്തെ ഭഗവതീ പുരസ്കാരത്തിന് ഡോ. ശുകപുരം ദിലീപ് അർഹനായി. തായമ്പകയിൽ നൂതനമായ രീതികൾ സ്വതസിദ്ധമായി നടപ്പിലാക്കിയതിനാണ് പുരസ്കാരം നൽകുന്നത്.
പ്രതിഷ്ഠാദിനമായ വ്യാഴാഴ്ച രാവിലെ പത്തിന് ക്ഷേത്രത്തിൽ നടക്കുന്ന ചടങ്ങിൽ മലബാർ ദേവസ്വം ബോർഡ് കമ്മിഷണർ കെ. മുരളി പുരസ്കാരം സമ്മാനിക്കും. സാഹിത്യകാരൻ മാടമ്പ് കുഞ്ഞുകുട്ടൻ അതിഥിയാകും. വൈകുന്നേരം ആറുമുതൽ പുതിയ തായമ്പക വാദനരീതിയായ ചതുരമിശ്രപതികാലം തായമ്പകയുടെ അവതരണമുണ്ടാകും.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
