വട്ടപ്പാറയിൽ വീണ്ടും ടാങ്കർ അപകടം, വാതകചോർച്ചയില്ല

വളാഞ്ചേരി: ദേശീയപാതയിലെ അപകടവളവായ വട്ടപ്പാറയിൽ ടാങ്കർ അപകടം. ഇന്ന് പുലർച്ചെ 4.15 മണിയോടെയായിരുന്നു അപകടം. മംഗലാപുരത്ത് നിന്ന് കൊല്ലം പാരിപ്പള്ളിയിലേക്ക് പോകുക കായിരുന്നു ടാങ്കർ. തമിഴ്നാട് സ്വദേശിയായ് ഡ്രൈവറെ പരിക്കുകളോടെ വളാഞ്ചേരിയിലെ ആശുപത്രിയിൽ പ്രവേശിപ്പിച്ചു.

അപകടം നടന്നയുടൻ വളാഞ്ചേരി പോലീസ് സ്ഥലത്തെത്തി വാഹന ഗതാഗതം നിയന്ത്രിക്കാൻ വേണ്ട നടപടികൾ ആരംഭിച്ചു. തിരൂരിൽ നിന്നെത്തിയ ഫയർ ഫോഴ്സ് സംഘം വാതകചോർച്ചയില്ലെന്ന് ഉറപ്പ് വരുത്തി. തുടർന്ന് ഒമ്പത് മണിയോടെ ടാങ്കർ നീക്കാൻ ആരംഭിച്ചു. ഇതുവഴി വലിയ ലോറികൾ ഒഴികെയുള്ള വാഹനഗതാഗതം തടസമില്ലാതെ പോകുന്നുണ്ട്.