കാരുണ്യ പ്രവർത്തനങ്ങൾക്കായി പായസം ചലഞ്ച് നടത്തി ‘ടീം കുറ്റിപ്പുറം’

കുറ്റിപ്പുറം: കുറ്റിപ്പുറത്തെ യുവജന കൂട്ടായ്മയായ ടീം കുറ്റിപ്പുറത്തിന്റെ നേതൃത്വത്തിൽ പ്രദേശത്തെ കാരുണ്യ പ്രവർത്തനങ്ങൾക്കായ് പായസം ചാലഞ്ചിലൂടെ ബഹുജന പിന്തുണയോടെ നിധി ശേഖരണം നടത്തി പ്രതീക്ഷയ്ക്ക് അപ്പുറത്തേക്കുള്ള സഹായങ്ങൾ ലഭിച്ചത് ഒട്ടേറെ കാരുണ്യ പ്രവർത്തനങ്ങൾക്ക് പ്രോത്സാഹനം പകരുന്നതായി സംഘാടകർ അറിയിച്ചു. തിരുവോണ സദ്യയ്ക്ക് മുന്നേ മുഴുവൻ വീടുകളിലും കൊറോണ മാനദണ്ഡങ്ങൾ പാലിച്ച് തന്നെ വിതരണം നടത്താനും സംഘാടകർ പരിശ്രമം നടത്തി പ്രസിഡന്റ് കെ.ഇ ഫിറോസ് ബാബുവിന്റെ അധ്യക്ഷതയിൽ നടന്ന പായസ വിതരണ പദ്ധതി പരിസ്ഥിതി സംഘം ജില്ലാ കൊ ഓഡിനേറ്റർ ലത്തീഫ് കുറ്റിപ്പുറം ഉദ്ഘാടനം ചെയ്തു. ബഷീർ പൂക്കോട്ട്, അഡ്വ ടി.വി ഫൈസൽ സി ജെലീസ്, ടി കെ സെലിം, ജാസിർ ചുള്ളിയിൽ ശിഹാബ് ആലുക്കൽ തുടങ്ങിയവർ പരിപാടിയ്ക്ക് ആശംസകൾ നേർന്നു.