കുറ്റിപ്പുറത്ത് ഭാരതപ്പുഴയിൽ സുഹൃത്തുക്കൾക്കൊപ്പം കുളിക്കാനിറങ്ങിയ വിദ്യാർത്ഥി മുങ്ങിമരിച്ചു
കുറ്റിപ്പുറം: സുഹൃത്തുക്കൾക്കൊപ്പം ഭാരതപ്പുഴയിൽ കുളിക്കാനിറങ്ങിയ വിദ്യാർത്ഥി മുങ്ങിമരിച്ചു. സുഹൃത്തകള്‍ക്കൊപ്പം ഭാരതപ്പുഴയിൽ കെല്‍ട്രോണ്‍ കടവില്‍ കുളിക്കാനിറങ്ങിയ എടപ്പാള്‍ കോലളമ്പ് വൈദ്യര്‍മൂല സ്വദേശി തിയ്യത്ത് വളപ്പില്‍ സക്കീര്‍ ഷെമീഹ ദമ്പതികളുടെ മകന്‍ ശുഹൈബ് സക്കീര്‍ (17) ആണ് മരിച്ചത്. പൂക്കരതറ ദാറുല്‍ ഹിദായ സ്‌കുളിലെ പത്താം ക്ലാസ് വിദ്യാര്‍ഥിയാണ്. ഇന്ന് വൈകുന്നേരം മൂന്നരയോടെയാണ് സംഭവം. സുഹൃത്തകള്‍ക്കൊപ്പം കുളിക്കുന്നതിനിടെയാണ് അപകടമുണ്ടായത്. അഗ്നിശമന സേനയും പ്രദേശിക രക്ഷാപ്രവര്‍ത്തകരും ചേര്‍ന്ന് നടത്തിയ തിരച്ചിലിലാണ് മൃതദേഹം കണ്ടെത്തിയത്. സഹോദരന്‍: സ്വാലിഹ്. അബുദാബിയിലുളള പിതാവും മാതാവും സഹോദരനും നാളെ നാട്ടില്‍ എത്തും. പൊന്നാനി താലൂക്ക് ആശുപത്രിയിലെ പോസ്റ്റ് മോര്‍ട്ടത്തിന് ശേഷം കോലളമ്പ് ജുമാമസ്ജിദ് ഖബര്‍സ്ഥാനില്‍ ഖബറടക്കും.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
