രണ്ടത്താണിയിൽ കവർച്ചക്ക് ശേഷം ടെക്സ്റ്റയിൽസിന് തീയിട്ടു
കാടാമ്പുഴ: ദേശീയപാത കടന്നു പോകുന്ന രണ്ടത്താണിയിൽ ടെക്സ്റ്റയിൽസിന് തീപിടിച്ചു. വെള്ളിയാഴ്ച പുലർച്ച മൂന്നു മണിക്കാണ് സംഭവം. ഇരുനിലകളിലായി പ്രവർത്തിക്കുന്ന മലേഷ്യ ടെക്സ്റ്റയിൽസിന്റെ താഴെ ഭാഗം പൂർണ്ണമായും കത്തിനശിച്ചു. ഷോപ്പിന്റെ ചുമർ കുത്തിപ്പൊളിച്ച നിലയിലാണ്. കവർച്ചക്ക് ശേഷം തീയിട്ടതാണെന്നാണ് സൂചന. കടയിലെ നിരീക്ഷണ ക്യാമറ സംവിധാനങ്ങളെല്ലാം കത്തി ചാമ്പലായി. സ്വദേശിയായ മൂർക്കത്ത് സലാമിന്റേതാണ് സ്ഥാപനം. തിരൂർ നിന്നും 2 അഗ്നിശമന സേന യൂണിറ്റ് എത്തിയാണ് തീ നിയന്ത്രണ വിധേയമാക്കിയത്. ലക്ഷങ്ങളുടെ നഷ്ടമാണ് സംഭവിച്ചിരിക്കുന്നത്. കാടാമ്പുഴ പൊലീസ് അന്വേഷണമാരംഭിച്ചു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
