എടയൂർ മയങ്ങനാലുക്കൽ താലപ്പൊലി ഇന്ന്

എടയൂർ: എടയൂർ മയങ്ങനാലുക്കൽ പറക്കൂത്ത് ഭഗവതീക്ഷേത്രത്തിലെ താലപ്പൊലി ചൊവ്വാഴ്ച ആഘോഷിക്കും. രാവിലെ ആറിന് പ്രഭാതപൂജയോടെ വിശേഷാൽ ചടങ്ങുകൾ ആരംഭിക്കും. ഉച്ചയ്ക്ക് പന്ത്രണ്ടിന് അന്നദാനം തുടങ്ങും.

വൈകുന്നേരം മൂന്നിന് മാവണ്ടിയൂർ പാപ്പനശ്ശേരി ഭഗവതീക്ഷേത്രത്തിൽനിന്ന് എഴുന്നള്ളിപ്പ് തുടങ്ങും. നാടൻകലാരൂപങ്ങൾ, മേളം, ബാന്റുവാദ്യം തുടങ്ങിയവ അകമ്പടിയേകും. വൈകുന്നേരം ആറിനാണ് ദീപാരാധന. രാത്രി നാടകവുമരങ്ങേറും. പുലർച്ചെ മൂന്നിന് താലപ്പൊലി എഴുന്നള്ളിപ്പുമുണ്ട്.