ഇരിമ്പിളിയം ഗവ. ഹയർസെക്കൻഡറി സ്‌കൂളിലെ പത്താംക്ലാസുകാർക്കു പ്രചോദക ക്ലാസെടുത്ത് പൂർവവിദ്യാർഥികൾ
വളാഞ്ചേരി : എസ്.എസ്.എൽ.സി. വിദ്യാർഥികൾക്ക് പ്രചോദകക്ലാസ് നൽകി പൂർവവിദ്യാർഥികൾ. ഇരിമ്പിളിയം ഗവ. ഹയർസെക്കൻഡറി സ്‌കൂളിലെ 1992 ബാച്ച് വിദ്യാർഥികളാണ് ഇപ്പോഴത്തെ പത്താംക്ലാസ് കുട്ടികൾക്ക് ‘എസ്പറർ 92-22’ എന്ന പേരിൽ പ്രചോദകക്ലാസ് സംഘടിപ്പിച്ചത്. വാർഡംഗം കെ. മുഹമ്മദാലി ഉദ്ഘാടനംചെയ്തു. സ്കൂൾ പ്രിൻസിപ്പൽ ഡോ. ശ്രീരേഖ അധ്യക്ഷതവഹിച്ചു.
പി.ടി.എ. പ്രസിഡന്റ് ഒ. വിജയകുമാർ, ജയപ്രകാശ്, അമീർ ഫൈസൽ, നാസർ ഇരിമ്പിളിയം, ഒ.പി. റഫീഖ്, സുധ എന്നിവർ പ്രസംഗിച്ചു. വിജയഭേരി ജില്ലാ കോ-ഓർഡിനേറ്റർ ടി. മുഹമ്മദ് സലീം ക്ലാസെടുത്തു.
1992 ബാച്ചിലെ വിദ്യാർഥികൾ സ്‌കൂൾബസിന്റെ അറ്റകുറ്റപ്പണികൾക്കായി സ്വരൂപിച്ച ഫണ്ട് കൂട്ടായ്‌മയുടെ പ്രസിഡന്റ് അമീർ ഫൈസൽ പ്രഥമാധ്യാപിക ഗീതാദേവിക്ക് കൈമാറി. ഫണ്ട് സമാഹരണത്തിന് അനിൽ പൂക്കാട്ടിരി, ബിൻസി എം. ചാണ്ടി, അബ്ദുൽ റസാഖ്, മുഹമ്മദ്കുഞ്ഞി, വേണുഗോപാൽ, നജ്മുദ്ദീൻ, ഷീബ, സുധ എന്നിവർ നേതൃത്വംനൽകി.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
