‘ഒരു ദേശവിശേഷം’ ഓഡിയോ പ്രകാശനം ചെയ്തു

വളാഞ്ചേരി: വളാഞ്ചേരിയിലും സമീപസ്ഥലങ്ങളിലുമായി ചിത്രീകരിച്ച ‘ഒരു ദേശവിശേഷം’ എന്ന സിനിമയുടെ ഓഡിയോ പ്രകാശനം പൂക്കാട്ടിയൂർ ക്ഷേത്രപരിസരത്ത് നടന്നു. ഗാനരചയിതാവ് ബി.കെ. ഹരിനാരായണനും സംവിധായകൻ സക്കറിയയും ചേർന്നാണ് പ്രകാശനം നിർവഹിച്ചത്.

ആലങ്കോട് ലീലാകൃഷ്ണൻ, നടൻ അനീഷ് ജി. മേനോൻ, സംവിധായകൻ പ്രശാന്ത് മാമ്പുള്ളി എന്നിവർ പങ്കെടുത്തു. ഇ.ടി. മുഹമ്മദ്ബഷീർ, മന്ത്രി കെ.ടി. ജലീൽ, എം.എൽ.എമാരായ ആബിദ്ഹുസൈൻ തങ്ങൾ, പി.വി. അൻവർ, മട്ടന്നൂർ ശങ്കരൻകുട്ടി മാരാർ, തന്ത്രി അണ്ടലാടി ഉണ്ണിക്കൃഷ്ണൻ നമ്പൂതിരിപ്പാട്, ജാസി ഗിഫ്റ്റ് എന്നിവർ പ്രസംഗിച്ചു. സിനിമയിലെ അഭിനേതാക്കളായ കോട്ടയ്ക്കൽ രവി, കലാമണ്ഡലം വിജയകൃഷ്ണൻ എന്നിവർ കേളി അവതരിപ്പിച്ചു. പോരൂർ ഉണ്ണിക്കൃഷ്ണൻ, കൽപ്പാത്തി ബാലകൃഷ്ണൻ എന്നിവരുടെ തായമ്പകയുമുണ്ടായി.

ഡോ. സത്യനാരായണനുണ്ണിയാണ്‌ സിനിമയുടെ രചനയും സംവിധാനവും നിർവഹിച്ചത്‌. നിർമാണം വളാഞ്ചേരി സ്വദേശികളായ കെ.ടി. അജയനും കെ.ടി. രാമകൃഷ്ണനുമാണ്.