പ്രളയബാധിതർക്ക് കൈത്താങ്ങായി വളാഞ്ചേരിയിലെ ഓട്ടോറിക്ഷാത്തൊഴിലാളികൾ

വളാഞ്ചേരി: പ്രളയത്തിൽ ദുരിതമനുഭവിക്കുന്നവരെ സഹായിക്കാനായി വളാഞ്ചേരിയിലെ ഓട്ടോറിക്ഷാത്തൊഴിലാളികളും. തിങ്കളാഴ്ചരാവിലെ ഏഴരയോടെ പെരിന്തൽമണ്ണ റോഡിലെ പെട്രോൾപമ്പിനു സമീപത്തുനിന്ന് ഓട്ടോറിക്ഷകൾ സർവീസ് തുടങ്ങും. വണ്ടിയിൽ ഹുണ്ടികയും സ്റ്റിക്കറുമുണ്ടാകും. വിളിക്കുന്നവർ യാത്രക്കൂലി ഹുണ്ടികയിലിട്ടാൽ മതി.

വൈകുന്നേരം ഏഴുമണിവരെയാണ് ഓട്ടം. മോട്ടോർ തൊഴിലാളി യൂണിയ(എസ്.ടി.യു)ന്റെ നേതൃത്വത്തിലാണ് പരിപാടി സംഘടിപ്പിക്കുന്നത്. പിരിഞ്ഞുകിട്ടുന്ന പണത്തിന് വിഭവങ്ങൾ പ്രളയബാധിതർക്ക് നേരിട്ടെത്തിക്കാനാണ് തീരുമാനം.