വളാഞ്ചേരി ഫെസ്റ്റ്; തിയ്യതി മാറ്റി

വളാഞ്ചേരി: ജനുവരി 30 മുതൽ ഫെബ്രുവരി 10 വരെ നടത്താനിരുന്ന വളാഞ്ചേരി നഗരസഭാ വളാഞ്ചേരി ഫെസ്റ്റ് 2020 വിദ്യാർത്ഥികളുടെ പരീക്ഷാ കാലമായതിനാൽ 2020 ഏപ്രിൽ 2മുതൽ 12 വരെ നടത്താൻ നഗരസഭ ഹാളിൽ വെച്ച് ചേർന്ന സ്വാഗത സംഗം ജനറൽ കമ്മിറ്റി യോഗം തീരുമാനിച്ചു. യോഗത്തിൽ നഗരസഭ ചെയർപേഴ്സൺ സി.കെ. റുഫീന അദ്ധ്യക്ഷത വഹിച്ചു. നഗരസഭാ സ്റ്റാന്റിംഗ് കമ്മിറ്റി അദ്ധ്യക്ഷൻമാരായ സി.രാമകൃഷ്ണൻ, കെ.ഫാത്തിമക്കുട്ടി, ഷെഫീന ചെങ്കുണ്ടൻ, അഷ്റഫ് അമ്പലത്തിങ്ങൽ, മുർക്കത്ത് മുസ്തഫ പി.എം.പത്മകുമാർ, ഹബീബ് പറമ്പയിൽ, മോഹൻ ദാസ്മാസ്റ്റർ, സലാം വളാഞ്ചേരി, സുരേഷ് പൂവാട്ടു മീത്തേൽ, യു.യൂസഫ് എന്നിവർ സംസാരിച്ചു. നഗരസഭ വൈസ് ചെയർമാൻ കെ.എം.ഉണ്ണികൃഷ്ണൻ നന്ദി പറഞ്ഞു.