അവിനാശി അപകടം; ബസ് എടപ്പാളിലെ വർക്ക് ഷോപ്പിലെത്തിച്ചു-വീഡിയോ

വളാഞ്ചേരി: അവിനാശായിൽ അപകടത്തിൽപ്പെട്ട കെ എസ്ആർടിസി ബസ് എടപ്പാൾ വർക്ക് ഷോപ്പിലെത്തിച്ചു. ബുധനാഴ്ച വൈകീട്ട് ആറരയോടെയാണ് എടപ്പാളിലെത്തിച്ചത്. ക്രെയിൻ ഉപയോഗിച്ച് കെട്ടി വലിച്ചാണ് ബസ് കൊണ്ടുവന്നത്. അവിനാശിയിലെ അപകടത്തിൽ 19 പേരാണ് മരണപ്പെട്ടത്. ഗതാഗതക്കുരുക്കിനെ ഭയന്ന് എടപ്പാൾ ടൗൺ ഒഴിവാക്കി വളാഞ്ചേരി വഴിയാണ് കൊണ്ടുവന്നത്. വളാഞ്ചേരി ജംഗ്ഷനിൽ പട്ടാമ്പി റോഡിൽ നിന്ന് കുറ്റിപ്പുറം റോഡിലേക്ക് തിരിയുമ്പോൾ നൂറുകണക്കിന് ആളുകളാണ് ബസ് കാണാൻ തടിച്ച് കൂടിയത്.

പൂർണമായും തകർന്ന ബസ് പുനർനിർമിക്കാനുള്ള സാധ്യത കുറവാണ്. ഇൻഷുറൻസ് കമ്പനിയുടെ പരിശോധനയ്ക്ക് ശേഷമായിരിക്കും ഇക്കാര്യത്തിൽ കെ.എസ്.ആർ.ടി.സി. തീരുമാനമെടുക്കുക.