പ്രളയം ഇല്ലത്തപ്പടി തോട് തകർത്തു; ആശങ്കയിലായി വെണ്ടല്ലൂർ പുഞ്ചപ്പാടത്തെ കർഷകർ
വളാഞ്ചേരി: കുറ്റിപ്പുറം ബ്ലോക്കിലെ ഏറ്റവും കൂടുതൽ കൃഷിയിറക്കുന്ന വെണ്ടല്ലൂർ പുഞ്ചപ്പാടത്തെ ഇല്ലത്തപ്പടി തോട് പ്രളയത്താൽ തകർന്നത് കർഷകരെ വിഷമത്തിലാക്കിയിരിക്കുകയാണ്. കുത്തിയൊലിച്ചൊഴുകുന്ന വെള്ളം കാരണം നൂറ് കണക്കിന് കർഷകരാണ് കൃഷി ചെയ്യാനാകാതെ വിഷമവൃത്തത്തിലാകുന്നത്.
അധികാരികൾ ഇടപെട്ട് കർഷകരുടെ പ്രശ്നങ്ങൾക്ക് പരിഹാരം ഉടൻ കാണണമെന്ന് ആവശ്യപ്പെട്ട് കൃഷി വകുപ്പ് മന്ത്രിക്കും, സ്ഥലം MLA പ്രൊഫ: ആബിദ് ഹുസൈൻ തങ്ങൾ അടക്കമുള്ള അധികാരികൾക്ക് നിവേദനം നൽകാനും, സമരപരിപാടികൾ ആരംഭിക്കാനും ഇരിമ്പിളിയം പഞ്ചായത്ത് കിസാൻ കോൺഗ്രസ് കമ്മിറ്റി തീരുമാനിച്ചു. കിസാൻ കോൺഗ്രസ് കോട്ടക്കൽ നിയോജക മണ്ഡലം സെക്രട്ടറി ബാവ മാഷ് കാളിയത്ത്, കുട്ടൻ മങ്കേരി, ഐ.പി കുഞാനു, പി.സേതുമാധവൻ നായർ എന്നിവർ പ്രസംഗിച്ചു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
