ശിഹാബ് തങ്ങൾ ഡയാലിസിസ് സെന്ററിനായി ഫേസ് വളാഞ്ചേരി സമാഹരിച്ച തുക കൈമാറി
വളാഞ്ചേരി:- വളാഞ്ചേരി നിവാസികളുടെ യൂ എ ഇ പ്രവാസി കൂട്ടായ്മയായ ഫേസ് വളാഞ്ചേരി, ശിഹാബ് തങ്ങൾ ഡയാലിസിസ് സെന്ററിനായി സമാഹരിച്ച രണ്ടു ലക്ഷത്തി അമ്പത്താറായിരത്തി ഏഴുനൂറു രൂപ കൈമാറി.
26 ജൂൺ, വെള്ളിയാഴ്ച നാലു മണിക്ക് , വളാഞ്ചേരി സർവീസ് സഹകരണ ബാങ്ക് ഓഡിറ്റോറിയത്തിൽ വെച്ച് ഫേസ് വളാഞ്ചേരി യൂ എ ഇ പ്രതിനിധികളിൽ നിന്നു സ്ഥലം എം എൽ എ, പ്രൊഫ. ആബിദ് ഹുസൈൻ തങ്ങൾ തുക ഏറ്റുവാങ്ങുകയായിരുന്നു.
ഫേസ് വളാഞ്ചേരിയുടെ സെക്രട്ടറി റിനീഷ് ബാബു ആർ വി യുടെ അധ്യക്ഷതയിൽ ചേർന്ന പരിപാടിയിൽ, മുനിസിപ്പൽ ചെയർപേഴ്സൺ, ശ്രീമതി റുഫീന, കൗൺസിലറും പ്രതിപക്ഷ നേതാവുമായ ടി പി അബ്ദുൽ ഗഫൂർ, ഡയാലിസിസ് സെന്റർ രക്ഷാധികാരികളായ അഷ്‌റഫ് അമ്പലത്തിങ്ങൽ, സലാം വളാഞ്ചേരി, മുഹമ്മദ് അലി നീറ്റുകാട്ടിൽ എന്നിവർ സന്നിഹിതരാവുകയും, ആശംസകൾ അർപ്പിക്കുകയും ചെയ്തു. ഫേസ് വളാഞ്ചേരിയുടെ വൈസ് പ്രസിഡണ്ട് ജാഫർ അബൂബക്കർ പാലാറ സ്വാഗതം ആശംസിക്കുകയും, ഹംസ ചോലക്കാട്ടിൽ യോഗത്തിനു നന്ദി അറിയിക്കുകയും ചെയ്തു.ഷംസു നടക്കാവിൽ, സൈദാലി പുളിക്കപ്പറമ്പിൽ എന്നിവർ സന്നിഹിതരായിരുന്നു.
കോവിഡ് സംക്രണവും , തുടർന്നുണ്ടായ ആഗോള ആരോഗ്യ അടിയന്തിരാവസ്ഥയും പ്രതിസന്ധിയിലാക്കിയ പ്രവാസികളിൽ പലർക്കും ജോലി നഷ്ടപ്പെട്ടിരിക്കുമ്പോഴും, ശമ്പളം കുറഞ്ഞുകൊണ്ടിരിക്കുമ്പോഴും, നിലനില്പിനായി പോരാടിക്കൊണ്ടിരിക്കുമ്പോഴും, നാടിൻറെ വേദനകളിൽ പങ്കു ചേരുവാനും, ആ വേദനായകറ്റാനുമുള്ള ശ്രമത്തിലാണ് സഹജ സഹാനുഭൂതിയുടെ ഏറ്റവും നല്ല മാതൃകകളായ ഓരോ പ്രവാസിയും അവരുടെ കൂട്ടായ്മകളും. അതിനുള്ള ഉത്തമ നിദർശനം കൂടിയാണ് ഫേസ് വളാഞ്ചേരി യൂ എ ഇ യുടെ ഈ കാരുണ്യ പ്രവർത്തനം. ഈ ഉദ്യമത്തിനായി സഹകരിച്ച എല്ലാ പ്രവാസി സുഹൃത്തുക്കൾക്കും, കൂട്ടായ്മയുടെ പ്രസിഡന്റ് ഹബീബ് പാലാറാ, ജന. സെക്രട്ടറി. ഫൈസൽ കെ പി എന്നിവർ യൂ എ ഇ യിൽ നിന്നും ആശംസകളും നന്ദിയും അറിയിച്ചു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
