മങ്കട ഗവ: കോളേജ് യൂണിയൻ ഭാരവാഹികൾക്ക് സ്വീകരണം നൽകി

കൊളത്തൂർ: കോളേജ് യൂണിയൻ തെരെഞ്ഞെടുപ്പിൽ വിജയിച്ച് യൂണിയൻ ഭാരവാഹികളായ ഗവ: കോളേജ് വിദ്യാർത്ഥികൾക്ക് മൂർക്കനാട് പഞ്ചായത്ത് മുസ്ലിം ലീഗ് കമ്മറ്റി സ്വീകരണം നൽകി. ഖാഇദെ മില്ലത്ത് സൗധത്തിൽ വെച്ച് നടന്ന ചടങ്ങിൽ പഞ്ചായത്ത് ലീഗ് പ്രസിഡൻ്റ് സയ്യിദ് സഹൽ തങ്ങൾ ഉദ്ഘാടനം ചെയ്തു.

സമകാലിക വിഷയങ്ങളിൽ ഇടപെട്ട് ക്രിയാത്മകമായ രീതിയിൽ യൂണിയൻ പ്രവർത്തനങ്ങളുമായി മുന്നോട്ട് പോകണമെന്നും പ്രബുദ്ധ വിദ്യാർത്ഥികളുടെ പ്രതീക്ഷകൾക്കൊത്ത് ഉയരാൻ സാധിക്കണമെന്നും അദ്ദേഹം പറഞ്ഞു. പഞ്ചായത്ത് ലീഗ് സെക്രട്ടറി സക്കീർ കളത്തിങ്ങൽ,KP ഹംസ മാസ്റ്റർ, മണ്ഡലം msf ട്രഷറർ അറഫ ഉനൈസ്, പഞ്ചായത്ത് msf പ്രസിഡൻ്റ് താജുദ്ദീൻ, ചെയർമാൻ ഹസീബ്, മറ്റ് യൂണിയൻ ഭാരവാഹികളും പങ്കെടുത്തു.