കെ.പി.സി.സി ആയിരം ഭവന പദ്ധതി; വലിയകുന്നിലെ സ്നേഹവീടിന് കട്ടിള വച്ചു

വളാഞ്ചേരി: ഇരിമ്പിളിയം മണ്ഡലം കോൺഗ്രസ് കമ്മിറ്റി നിർമിക്കുന്ന സ്‌നേഹഭവനത്തിന്റെ കട്ടിളവെച്ചു. കെ.പി.സി.സിയുടെ ആയിരം ഭവനപദ്ധതിയിലുൾപ്പെടുത്തി ഇരിമ്പിളിയം ഗ്രാമപ്പഞ്ചായത്തിൽ രണ്ട് ഭവനങ്ങളാണ് നിർമിക്കുന്നത്. ഇതിൽ വലിയകുന്ന് നീലാടപ്പാറയിലെ പറവെട്ടിത്തൊടി മണിയുടെ കുടുംബത്തിന് നിർമിച്ചുനൽകുന്ന വീടിന്റെ കട്ടിളവെപ്പാണ് നടന്നത്.

രണ്ടാമത്തെ വീട് ഒമ്പതാം വാർഡിലെ വളപ്പിൽ മുഹമ്മദിന്റെ കുടുംബത്തിന് നിർമിച്ച് നൽകും. പ്രവാസി മലയാളിയായ കെ.എം. അബ്ദുൾനാസറാണ് നിർമാണത്തിനാവശ്യമായ മുഴുവൻ തുകയും നൽകുന്നത്.

മുൻ ഡി.സി.സി. സെക്രട്ടറി പി.സി. മരക്കാർഹാജി, മണ്ഡലം പ്രസിഡന്റ് കെ.ടി. മൊയ്തു, കെ. മുരളീധരൻ, പി.ടി. ഷംനാസ്, പി. ഫാസിൽ, സമദ്, എ.പി. നാരായണൻ, പി.പി. ഗോപിനാഥ് എന്നിവർ പങ്കെടുത്തു.
Summary:the kattila veppu function for house built by kpcc held at irimbiliyam.