വളാഞ്ചേരി പ്രാഥമിക ആരോഗ്യ കേന്ദ്രത്തിൽ മരുന്നുകൾ പരിസ്ഥിതി സൗഹൃദ കിറ്റുകളിൽ

വളാഞ്ചേരി: ഹരിത പ്രോട്ടോക്കോൾ പാലിച്ചുകൊണ്ട് പ്ലാസ്റ്റിക് വിമുക്ത-പരിസ്ഥിതി സൗഹൃദ കിറ്റുകൾ വളാഞ്ചേരി പ്രാഥമിക ആരോഗ്യ കേന്ദ്രത്തിൽ വിതരണം ചെയ്തു. കിറ്റുകൾ കൗൺസിലർ നൗഫൽ പാലാറയിൽ നിന്നും മെഡിക്കൽ ഓഫീസർ ഡോ സൽവ ഏറ്റുവാങ്ങി. കൊറോണക്കാലത്ത് ആശുപത്രികളിൽ നിന്നും മരുന്നുകൾ നൽകുന്നതിനു വേണ്ടിയാണ് ഈ കിറ്റുകൾ കൈമാറുന്നതെന്ന് പദ്ധതിക്ക് നേതൃത്വം നൽകുന്ന ഷുക്കൂർ പി.എം അറിയിച്ചു. ജെ.എച്.ഐ സാബിർ പാഷ, ഷെറിൻ, ജെ.പി.എച്.ഐ ഗീത, ശ്രീദേവി, മനു കോട്ടീരി, സുരേഷ് മലയത്ത് എന്നിവർ സന്നിഹിതരായിരുന്നു.