കൽപ്പകഞ്ചേരി ജി.വി.എച്ച്.എസ് സ്കൂളിൽ പുതിയ കെട്ടിടങ്ങളുടെ ഉദ്ഘാടനം നിർവഹിച്ചു

കൽപ്പകഞ്ചേരി : ജി.വി.എച്ച്.എസ് സ്കൂളിൽ നിർമ്മാണം പൂർത്തീകരിച്ച ഹൈടെക് കെട്ടിടങ്ങളുടെ ഉദ്ഘാടനം മുഖ്യമന്ത്രി പിണറായി വിജയൻ ഓൺലൈനിൽ നിർവഹിച്ചു. മന്ത്രി വി. ശിവൻകുട്ടി അധ്യക്ഷനായി. കുറുക്കോളി മൊയ്തീൻ എം.എൽ.എ. ശിലാഫലകം അനാച്ഛാദനംചെയ്തു. സംസ്ഥാന അത്‌ലറ്റിക് ഫെഡറേഷൻ പ്രസിഡന്റ് ഡോ. സി. അൻവർ അമീൻ മുഖ്യാതിഥിയായി. ജില്ലാ പഞ്ചായത്ത് അംഗം നസീബ അസീസ്, തിരൂർ ഡി.ഇ.ഒ. കെ.പി. രമേശ്‌കുമാർ, കുറ്റിപ്പ‍ുറം ബ്ലോക്ക് പഞ്ചായത്ത് പ്രസിഡന്റ് വസീമ വേളേരി, കൽപ്പകഞ്ചരി പഞ്ചായത്ത് പ്രസിഡന്റ് കെ.പി. വഹീദ, രാമചന്ദ്രൻ നെല്ലിക്കുന്ന്, ടി. മുനാസ്, ബഷീർ അടിയാട്ടിൽ, സി.പി. ജുബൈരിയ, പി. അബ്ദുല്ലത്തീഫ്, സാഹിറ ചക്കുങ്ങൽ, സുഹറാബി അലയാട്ടിൽ, വെട്ടം ആലിക്കോയ, സി.പി. രാധാകൃഷ്ണൻ തുടങ്ങിയവർ സംസാരിച്ചു