കോൺക്രീറ്റ് ചെയ്ത പേരശ്ശന്നൂർ- ഗൾഫ് റോഡ് ഉദ്ഘാടനം ചെയ്തു

കുറ്റിപ്പുറം : കുറ്റിപ്പുറം പഞ്ചായത്ത് 12ാം വാർഡിൽ കോൺക്രീറ്റ് ചെയ്ത് നന്നാക്കിയ പേരശ്ശനൂർ- ഗൾഫ് റോഡ് പ്രൊഫ. ആബിദ് ഹുസൈൻ തങ്ങൾ എം.എൽ.എ. ഉദ്ഘാടനംചെയ്തു. എം.എൽ.എയുടെ പ്രത്യേക വികസനപദ്ധതിയിൽനിന്നുള്ള ഫണ്ട് ഉപയോഗിച്ചാണ് റോഡ് കോൺക്രീറ്റ് ചെയ്തത്.

പഞ്ചായത്ത് പ്രസിഡന്റ് റംല കറത്തൊടിയിൽ അധ്യക്ഷത വഹിച്ചു. കുറ്റിപ്പുറം ബ്ലോക്ക് പഞ്ചായത്ത് പ്രസിഡന്റ് വസീമ വേളേരി, പി.കെ. കരീം, വി.ടി. റസാഖ്, സൈതലവി എടച്ചലം, സി.പി. നിസാർ, വി.ടി. അബൂബക്കർ, വി.പി. അബൂബക്കർ ,എം.പി. പുരുഷോത്തമൻ, വി.പി. ഇബ്രാഹിംകുട്ടി, കെ.എം. ഹനീഫ്, കെ. കരീം, കെ.വി. മോഹനൻ, കെ. അബ്ദുൽറഷീദ്, എ. സാഹിർ, എം. മൊയ്നു എന്നിവർ പങ്കെടുത്തു.