പ്രൊഫ. ആബിദ് ഹുസൈൻ തങ്ങൾ എം.എൽ.എയുടെ നേതൃത്വത്തിൽ ജനപ്രതിനിധികൾ കുറ്റിപ്പുറം താലൂക്ക് ആശുപത്രി സന്ദർശിച്ചു

കുറ്റിപ്പുറം : പ്രൊഫ. ആബിദ് ഹുസൈൻ തങ്ങൾ എം.എൽ.എയുടെ നേതൃത്വത്തിൽ ജനപ്രതിനിധികൾ കുറ്റിപ്പുറം താലൂക്ക് ആശുപത്രി സന്ദർശിച്ചു. കുറ്റിപ്പുറം ബ്ലോക്ക് പഞ്ചായത്തിലേയും ഗ്രാമപ്പഞ്ചായത്തിലെയും ജനപ്രതിനിധികളാണ് എം.എൽ.എയ്ക്കൊപ്പം ആശുപത്രിയിലെത്തിയത്.

ഭൗതിക സൗകര്യങ്ങൾ മെച്ചപ്പെടുത്തുന്നതിനായി അടിയന്തരമായി നടപ്പാക്കേണ്ട കാര്യങ്ങളെക്കുറിച്ച് വിലയിരുത്തുന്നതിനായാണ് ജനപ്രതിനിധി സംഘം ആശുപത്രിയിലെത്തിയത്. ബ്ലോക്ക് പഞ്ചായത്ത് പ്രസിഡന്റ് വസീമ വേളേരി, ഗ്രാമപ്പഞ്ചായത്ത് പ്രസിഡന്റ് റംല കറത്തൊടിയിൽ, പഞ്ചായത്ത് വൈസ് പ്രസിഡന്റ് കെ.ടി. സിദ്ദീഖ്, ബ്ലോക്ക് പഞ്ചായത്തംഗം കെ.ഇ. സഹീർ, ഗ്രാമപ്പഞ്ചായത്തംഗങ്ങളായ കെ.പി.എസ്. പൂക്കോയ തങ്ങൾ, റമീന ചക്കുവളപ്പിൽ, ജാബിർ, കെ.ടി. ഹമീദ്, വി.പി. അഷ്‌റഫലി, സാബ കരീം എന്നിവരും സംഘത്തിലുണ്ടായിരുന്നു.