കുളമംഗലം ഗ്രീൻ പവർ സാംസ്കാരികവേദിയുടെ വാർഷികവും ഓഫീസ് ഉദ്ഘാടനവും നടന്നു

വളാഞ്ചേരി : കുളമംഗലം കേന്ദ്രമായി പ്രവർത്തിക്കുന്ന ഗ്രീൻ പവർ സാംസ്കാരിക സമിതി-പ്രവാസി കൂട്ടായ്മയുടെ വാർഷികവും ഓഫീസ് ഉദ്ഘാടനവും ആബിദ് ഹുസൈൻ തങ്ങൾ എം.എൽ.എ. നിർവഹിച്ചു. പ്രവാസി ഗ്രൂപ്പ് സെക്രട്ടറി കെ.കെ. മുസ്തഫ അധ്യക്ഷത വഹിച്ചു. ജീവകാരുണ്യപ്രവർത്തകൻ ഫിറോസ് കുന്നുംപറമ്പിൽ മുഖ്യപ്രഭാഷണം നടത്തി. നഗരസഭാധ്യക്ഷൻ അഷറഫ് അമ്പലത്തിങ്ങൽ, വൈസ് ചെയർപേഴ്‌സൺ റംല മുഹമ്മദ്, റൂബി ഖാലിദ്, ടി.കെ. ആബിദലി, മുഹമ്മദലി നീറ്റുകാട്ടിൽ, കെ. മുസ്തഫ, അസ്‌ലം പരയോടത്ത്, എൻ നൗഷാദ്, ജാഫർ പുതുക്കുടി എന്നിവർ പ്രസംഗിച്ചു

പ്രദേശത്തെ ആരോഗ്യ, വിദ്യാഭ്യാസ, ജീവകാരുണ്യമേഖലകളിൽ ഓരോ വർഷവും പത്ത് ലക്ഷംരൂപയാണ് കൂട്ടായ്മ ചെലവിടുന്നത്. പ്രവാസി ഗ്രൂപ്പിന്റെ നേതൃത്വത്തിൽ മൂന്ന് വർഷത്തിനിടെ ‘ഒപ്പം’പദ്ധതിയുടെ ഭാഗമായി എല്ലാ മാസവും പതിനൊന്ന് നിർധനകുടുംങ്ങൾക്ക് ചികിത്സക്കുള്ള സഹായവും നൽകുന്നുണ്ട്.