തിരുമാന്ധാംകുന്ന് പൂരംപുറപ്പാട് 21-ന്; പന്തലിന് കാൽനാട്ടി

അങ്ങാടിപ്പുറം : തിരുമാന്ധാംകുന്ന് ഭഗവതീക്ഷേത്രത്തിൽ ഈ വർഷത്തെ പൂരത്തിനുള്ള പന്തലിന് കാൽനാട്ടി. കിഴക്കെനടയിൽ മഹാദേവന്റെ കൊടിമരത്തിന് സമീപത്ത് നടന്ന പ്രത്യേകപൂജയ്ക്ക് ശേഷമാണ് പൂരപ്പന്തലിനുള്ള കാൽ നാട്ടിയത്.തന്ത്രി പന്തലക്കോട്ടത്ത് നാരായണൻ നമ്പൂതിരിയുടെ പ്രത്യേകപൂജയ്ക്ക് ശേഷം ദേവസ്വം എക്സി.ഓഫീസർ സി.സി. ദിനേശൻ, അസി.മാനേജർ ശിവപ്രസാദ് എന്നിവരും ക്ഷേത്രം ജീവനക്കാരും ചടങ്ങിന് നേതൃത്വം നൽകി. ഈമാസം 21 മുതൽ 31 വരെയാണ് പൂരം.