അമ്പാൾ ചേമാതിരിപ്പാടം കൈത്തോടിന്റെ പുനരുദ്ധാരണം തുടങ്ങി
ഇരിമ്പിളിയം : ഇരിമ്പിളിയം ഗ്രാമപ്പഞ്ചായത്തിൽ തൊഴിലുറപ്പ് പദ്ധതിയിൽ ഉൾപ്പെടുത്തി ഒന്നാംവാർഡിലെ അമ്പാൾ ചേമാതിരിപ്പാടം കൈത്തോടിന്റെ പുനരുദ്ധാരണം തുടങ്ങി. കയർ ഭൂവസ്ത്രം ഉപയോഗിച്ചുള്ള പ്രവൃത്തി പ്രസിഡന്റ് കെ. മാനുപ്പ ഉദ്ഘാടനംചെയ്തു.
പഞ്ചായത്തിലെ മുഴുവൻ തോടുകളും കയർ ഭൂവസ്ത്രം ഉപയോഗിച്ച് പ്രകൃതിക്ക് ഇണങ്ങിയ രീതിയിൽ സംരക്ഷിക്കുകയും, ബലപ്പെടുത്തുകയും ചെയ്യുന്ന പ്രവർത്തനങ്ങൾക്കും ഇതോടെ തുടക്കമായി.
2021-22 കാലയളവിൽ പഞ്ചായത്തിൽ ആറുലക്ഷം രൂപയോളം കയർ ഭൂവസ്ത്രം ഇനത്തിൽ ചെലവഴിച്ചതായും രണ്ടായിരത്തോളം തൊഴിൽദിനങ്ങൾ സൃഷ്ടിച്ചതായും പ്രസിഡന്റ് പറഞ്ഞു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
