വളാഞ്ചേരി കേരള സീഡ്സ് എഫ്.സിയുടെ പ്രോമോ വീഡിയോ പുറത്തിറങ്ങി
വളാഞ്ചേരി ആസ്ഥാനമാക്കി തുടങ്ങിയ കേരള സീഡ്സ് എഫ്.സിയുടെ തകർപ്പൻ പ്രോമോ വീഡിയോ പുറത്തിറങ്ങി. സ്കൂൾ തലത്തിൽ നിന്ന് വിദ്യാർഥികളെ മികച്ച ഫുട്ബോൾ താരങ്ങളാക്കിയെടുക്കുക എന്ന ഉദ്ദേശ്യത്തോടെ തുടങ്ങിയ ഈ ക്ലബ് ചുരുങ്ങിയ കാലയളവിൽ തന്നെ മികച്ച നേട്ടങ്ങൾ കരസ്ഥമാക്കിയിരുന്നു. ഇക്കഴിഞ്ഞ ജൂലായ് മാസത്തിൽ കോയമ്പത്തൂരിൽ നടന്ന അണ്ടർ 13 അന്താരാഷ്ട്ര ഫുട്ബോൾ മത്സരത്തിൽ മികച്ച പ്രകടനം നടത്തിയ സീഡ്സിലെ കുട്ടികൾ വീഡിയോയിൽ അണിനിരക്കുന്നുണ്ട്. സീഡ്സ് ക്ലബിലെ റജിസ്റ്റ്രേഷന്റെ ഭാഗമായാണ് വീഡിയോ പുറത്തിറക്കിയിരിക്കുന്നത്. സംവിധായകൻ ലാൽ ജോസും ഈ വീഡിയോ തന്റെ ഫേസ്ബുക്ക് പ്രൊഫൈലിൽ പങ്കുവെച്ചിരുന്നു.
വീഡിയോ കാണാം
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
