കുറ്റിപ്പുറം പഞ്ചായത്തിൽ തുല്യതാ പഠിതാക്കളുടെ രജിസ്ട്രേഷൻ ആരംഭിച്ചു

കുറ്റിപ്പുറം: കുറ്റിപ്പുറം ഗ്രാമപഞ്ചായത്ത് സാക്ഷരതാ മിഷൻ 2022 പത്താം തരം, ഹയർ സെക്കന്ററി തുല്യതാ കോഴ്‌സുകളുടെ രജിസ്‌ട്രേഷൻ ഉത്ഘാടനം പഞ്ചായത്ത്‌ വൈസ് പ്രസിഡന്റ്‌ കെ.ടി സിദ്ധിഖ് നിർവ്വഹിച്ചു. വിദ്യാഭ്യാസ സ്റ്റാന്റിംങ്ങ് കമ്മറ്റി ചെയർമാൻ സിദ്ധിഖ് പരപ്പാര അധ്യക്ഷത വഹിച്ചു. തുല്യതാ കോഴ്സ് ഫീസ് പഞ്ചായത്ത്‌ പ്രൊജക്ടിൽ ഉൾപ്പെടുത്തുമെന്ന് വിദ്യാഭ്യാസ സ്റ്റാന്റിംഗ് കമ്മറ്റി ചെയർമാൻ അറിയിച്ചു.

ചടങ്ങിൽ കുറ്റിപ്പുറം പഞ്ചായത്ത്‌ ജൂനിയർ സൂപ്രണ്ട് ഷൈജു സി, കുറ്റിപ്പുറം GLP സ്കൂൾ ഹെഡ് മാസ്റ്റർ ശ്രീകുമാർ, സ്റ്റാന്റിംഗ് കമ്മറ്റി അംഗങ്ങൾ റമീന,റിജിത, NCEC പ്രേരക് കെടി നിസാർ ബാബു, വാർഡ് മെമ്പർമാരായ സുലൈഖ, ബേബി, നസീറ,കെ. ടി ഹമീദ്, സക്കീർ, സാക്ഷരത അംഗങ്ങൾ MPM ബഷീർ, മുസ്തഫ.കെ.കെ, അയിഷാബി, സന്ധ്യ, മഞ്ജുഷ, സിന്ധു,പ്രേരക് യു.വസന്ത എന്നിവർ പങ്കെടുത്തു.