വളാഞ്ചേരി ബൈക്കപകടം; രണ്ടാമത്തെയാളും മരണത്തിന് കീഴടങ്ങി

വളാഞ്ചേരി: വളാഞ്ചേരി നടക്കാവിൽ അശുപത്രിക്ക് മുന്നിൽ ഇന്നുച്ചക്ക് ഉണ്ടായ അപകടത്തിൽ ഗുരുതരമായി പരിക്കേറ്റ് ചികിത്സയിൽ കഴിഞ്ഞു വരികയായിരുന്ന സ്ത്രീയും മരണമടഞ്ഞു.

അപകട സ്ഥലത്ത് വച്ചു തന്നെ മരണമടഞ്ഞ കൊട്ടാരത്തൊടി സിദ്ധീഖിന്റെ ഭാര്യ സലീനയാണ് മരിച്ചത്. അപകടത്തിൽ തലക്ക് ഗുരുതരമായ പരിക്കേറ്റ സലീനയെ ആദ്യം നടക്കാവിൽ ആശുപത്രിയിൽ പ്രവേശിപ്പിക്കുകയും തുടർന്ന് പെരിന്തൽമണ്ണയിലെ സ്വകാര്യ അശുപത്രിയിലേക്ക് മാറ്റുകയായിരുന്നു.

ഇന്നുച്ചക്ക് ഒന്നരയോടെയാണ് വളാഞ്ചേരി പെരിന്തൽമണ്ണ റോഡിലെ നടക്കാവിലെ അശുപത്രിക്ക് മുന്നിൽ സിദ്ധീഖ്-സലീന ദമ്പതികൾ സഞ്ചരിച്ച ബൈക്ക് ബസിൽ തട്ടി ലോറിക്കടിയിലേക്ക് മറിയുകയായിരുന്നു. ഇവർക്ക് മൂന്ന് മക്കളാണുള്ളത്.