യുവജന യാത്രക്കിടെ കല്ലേറിൽ പരിക്കേറ്റ യുവ നേതാവിന്റെ വീടിന് കട്ടിള വച്ചു

എടയൂർ: മുസ്ലിം യൂത്ത് ലീഗിന്റെ യുവജനയാത്ര കഴിഞ്ഞ് മടങ്ങവേ വാഹനത്തിന് നേരെയുണ്ടായ കല്ലേറി പരിക്കേറ്റ യുവ നേതാവിന് സംഘടന നിർമ്മിച്ച് നൽകുന്ന വീടിന്റെ രണ്ടാം ഘട്ട പ്രവൃത്തികൾ ആരംഭിച്ചു. യൂത്ത് ലീഗ് നേതാവായ ചെറിയാപ്പുവിനാണ് സംഘടന വീട് നിർമ്മിച്ച് നൽകുന്നത്.

കഴിഞ്ഞ ദിവസം കോട്ടക്കൽ മണ്ഡലം എം.എൽ.എ, പ്രൊഫ ആബിദ് ഹുസൈൻ തങ്ങൾ കട്ടിള വക്കൽ കർമ്മം നടത്തി പ്രവൃത്തികളുടെ തുടക്കം കുറിച്ചു. പൂക്കാട്ടിരിയിൽ ആണ് വീട് നിർമ്മിക്കുന്നത്.