വളാഞ്ചേരി നഗരസഭയുടെ പ്രതിഭാകേന്ദ്രം കാർത്തലയിൽ തുറന്നു

വളാഞ്ചേരി : വളാഞ്ചേരി നഗരസഭയുടെ പ്രതിഭാകേന്ദ്രം കാർത്തല പള്ളിപ്പറമ്പ് അങ്കണവാടിയിൽ തുടങ്ങി. നഗരസഭാധ്യക്ഷൻ അഷറഫ് അമ്പലത്തിങ്ങൽ ഉദ്ഘാടനംചെയ്തു. വിദ്യാഭ്യാസ സ്ഥിരംസമിതി അധ്യക്ഷൻ മുജീബ് വാലാസി അധ്യക്ഷത വഹിച്ചു. സ്ഥിരംസമിതി അധ്യക്ഷരായ ദീപ്തി ഷൈലേഷ്, മാരാത്ത് ഇമ്പ്രാഹിം, കൗൺസിലർമാരായ ടി. അഭിലാഷ്, പി. ഷൈലജ, പ്രഥമാധ്യാപകരായ എൻ.പി. മിനി, പി. പവിത്രൻ, സി.ആർ.സി. കോ-ഓർഡിനേറ്റർ ബിൻസി എൻ. ചാണ്ടി എന്നിവർ പ്രസംഗിച്ചു. കുട്ടികളുടെ സാമൂഹിക പിന്നാക്കാവസ്ഥ പരിഹരിക്കുന്നതിനും, പഠനത്തിൽ പിന്തുണനൽകുന്നതിനുമാണ് പ്രാദേശിക പ്രതിഭാകേന്ദ്രങ്ങൾ പ്രവർത്തിക്കുന്നത്.