തദ്ദേശ സ്ഥാപനങ്ങളിലേക്കുള്ള ഉപതിരഞ്ഞെടുപ്പ്; വോട്ടർപട്ടിക പുതുകുന്നു
മലപ്പുറം :ജില്ലയിലെ തദ്ദേശ സ്വയംഭരണ സ്ഥാപനങ്ങളിലെ വിവിധ വാര്‍ഡുകളില്‍ നടത്തുന്ന ഉപതെരഞ്ഞെടുപ്പിന് മുന്നോടിയായി അതത് വാര്‍ഡുകളിലെ/ഡിവിഷനിലെ വോട്ടര്‍പട്ടിക പുതുക്കുന്നു. ഉപതെരഞ്ഞെടുപ്പ് നടക്കുന്ന നിലമ്പൂര്‍ ബ്ലോക്ക് പഞ്ചായത്തിലെ വഴിക്കടവ് ഡിവിഷന്‍, ചെറുകാവ് ഗ്രാമപഞ്ചായത്തിലെ ചേവായൂര്‍ വാര്‍ഡ് (ജനറല്‍), വണ്ടൂര്‍ ഗ്രാമപഞ്ചായത്തിലെ മൊടപ്പിലാശ്ശേരി (ജനറല്‍), തലക്കാട് ഗ്രാമപഞ്ചായത്തിലെ പാറശ്ശേറി വെസ്റ്റ് (വനിത) എന്നിവിടങ്ങളിലെ വോട്ടര്‍ പട്ടികയാണ് പുതുക്കുന്നത്. 2021 ജനുവരി ഒന്നിനോ അതിന് മുമ്പോ 18 വയസ് തികഞ്ഞവരെ മാത്രമേ വോട്ടര്‍ പട്ടികയില്‍ ഉള്‍പ്പെടുത്തുകയുള്ളൂ. കരട് വോട്ടര്‍ പട്ടിക ഏപ്രില്‍ 15ന് പ്രസിദ്ധീകരിക്കും. പട്ടികയില്‍ അപേക്ഷകളും ആക്ഷേപങ്ങളും ഉണ്ടെങ്കില്‍ അവ Click Here എന്ന സൈറ്റിലൂടെ ഏപ്രില്‍ 29 വരെ സമര്‍പ്പിക്കാം. അന്തിമ വോട്ടര്‍ പട്ടിക മെയ് 11ന് പ്രസിദ്ധീകരിക്കും.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
