വളാഞ്ചേരി ശിഹാബ്‌ തങ്ങൾ ഡയാലിസിസ്‌ സെന്ററിലേക്ക്‌ സഹായം നൽകി റാസ്‌-അൽ ഖൈമ കെ എം സി സി വനിതാവിങ്
മഞ്ചേരി: ശിഹാബ്‌ തങ്ങൾ ഡയാലിസിസ്‌ സെന്ററിലേക്ക്‌ റാസ്‌-അൽ ഖൈമ കെ എം സി സി വനിതാവിങ് നൽകുന്ന സഹായം പാണക്കാട്‌ സയ്യിദലി ഹൈദരലി ശിഹാബ്‌ തങ്ങളിൽ നിന്നും ഡയാലിസിസ്‌ സെന്റർ ഭാരവാഹികൾ ഏറ്റുവാങ്ങി. മഞ്ചേരിയിൽ നടന്ന ചടങ്ങിൽ മുസ്‌ലിം ലീഗ് ജില്ലാ ജനറൽ സെക്രട്ടറി അഡ്വ യൂ എ ലത്തീഫ്, എം എൽ എ മാരായ എം ഉമ്മർ, പി ഉബൈദുല്ല, ടി വി ഇബ്രാഹീം, യു എ ഇ കെ എം സി സി നാഷണൽ കമ്മിറ്റി പ്രസിഡണ്ട്‌ ഡോ. പുത്തൂർ റഹ്‌മാൻ, സെക്രട്ടറി പി കെ കരീം, അബ്ദുല്ല ഫാറൂഖി, കെ. എം ഗഫൂർ, റാസ്‌ അൽ ഖൈമ കെ എം സി സി പ്രസിഡണ്ട്‌ ബഷീർ കുഞ്ഞു, അൿബർ രാമപുരം, കെ എം സി സി വനിതാവിംഗ്‌ ഭാരവാഹികളായ ജുമാന കരീം, റീന അക്ബർ സുബൈദ ലത്തീഫ്, വളാഞ്ചേരി ശിഹാബ്‌ തങ്ങൾ ഡയാലിസിസ്‌ സെന്റർ ഭാരവാഹികളായ അഷ്‌റഫ്‌ അമ്പലത്തിങ്ങൽ, സലാം വളാഞ്ചേരി എന്നിവർ സംബന്ധിച്ചു.
ഏഴ്‌ മെഷീനുകളിലായി 32 കിഡ്‌നി രോഗികളാണ്‌ വളാഞ്ചേരി നിസാർ ഹോസ്പിറ്റലിൽ ശിഹാബ്‌ തങ്ങൾ ഡയാലിസിസ്‌ സെന്റർ സൗജന്യമായി ഡയാലിസിസ്‌ ചെയ്തു വരുന്നത്‌. കൂടുതൽ ഡയാലിസിസ്‌ മെഷീനുകൾ സ്ഥാപിച്ച്‌ ഡയാലിസിസ്‌ സെന്റർ വിപുലീലരിക്കാനുള്ള ഒരുക്കങ്ങൾ നടന്നു വരുന്നു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
