വളർത്തു മീനുകളെ മോഷ്ടിച്ച കേസിൽ മൂന്ന് പേർ തവനൂരിൽ പിടിയിൽ

തവനൂർ: തവനൂർ: തോട്ടത്തിലെ കുളത്തിൽ വളർത്തിയിരുന്ന മീനുകൾ മോഷണം പോയ പരാതിയിൽ മൂന്ന് പേരെ കുറ്റിപ്പുറം പോലീസ് പിടികൂടി. തവനൂർ നേടറ്റ് എന്ന സ്ഥലത്തുള്ള അബുബക്കർ എന്നയാളുടെ ഉടമസ്ഥതയിലുള്ള തോട്ടത്തിനുള്ളിലെ കുളത്തിൽ വളർത്തിയിരുന്ന മീനുകളാണ് മോഷണം പോയത്.

ഏതാണ്ട് പതിനായിരം രൂപ വില വരുന്ന മീനുകൾ അതിക്രമിച്ച് കടന്ന് വലയിട്ടു പിടിച്ചു കൊണ്ട് പോയി എന്നുള്ള പരാതിയിൽ കുറ്റിപ്പുറം സി.ഐ നാസർ സി.കെയുടെ നേതൃത്വത്തിൽ സബ് ഇൻസ്പെക്ടർ രഞ്ചിത്ത് കെ.ആറും, പോലീസ് ഉദ്യോഗസ്ഥരും നടത്തിയ അന്വേഷണത്തിലാണ് മൂന്ന് പേരെ അറസ്റ്റ് ചെയ്തത്. മത്സ്യവും വലയും പോലീസ് കസ്റ്റഡിയിൽ എടുത്തു.
Summary: Three arrested by Kuttippuram police for thieving fishes worth INR 10K/- from a farm in Tavanur