അത്തിപ്പറ്റയിൽ കിണറിലെ മോട്ടോർ സെറ്റുകൾ മോഷ്ടിച്ച് കടത്തിയ മൂന്ന് യുവാക്കൾ പിടിയിൽ
എടയൂര്‍:അത്തിപ്പറ്റയിൽ കിണറിലെ മോട്ടോർ സെറ്റുകൾ മോഷ്ടിച്ച് കടത്തിയ മൂന്ന് യുവാക്കൾ പിടിയിൽ. എടയൂർ പഞ്ചായത്തിലെ അത്തിപ്പറ്റ കോളനിയിൽ 30 ഓളം കുടുംബങ്ങള്‍ ആശ്രയിക്കുന്ന കിണറ്റിലെ മോട്ടോര്‍ പമ്പ് സെറ്റുകളാണ് മൂന്നംഗ സംഘം ചേര്‍ന്ന് മോഷ്ടിച്ചത്. സംഭവത്തില്‍ അത്തിപ്പറ്റ സ്വദേശികളായ തലവണ്ണക്കാട്ടില്‍ സജീഷ്, തെക്കന്‍ചേരി ജംഷാദ്, പുതുവീട്ടില്‍ ജാഫര്‍ എന്നിവരാണ് പിടിയിലായത്. അത്തിപ്പറ്റ സ്വദേശിയായ നിസാറിന്റെ വീട്ടുകിണറ്റിലെ വെള്ളമാണ് സമീപവാസികളായ കുടുംബങ്ങള്‍ കുടിവെള്ളക്ഷാമത്തെ തുടര്‍ന്ന് ആശ്രയിച്ചിരുന്നത്. ഈ കിണറ്റിലെ അഞ്ച് മോട്ടോര്‍ സെറ്റുകളാണ് ഇവര്‍ കടത്തിക്കൊണ്ടുപോയത്. കോളനിക്കാരുടെ പരാതിയെ തുടര്‍ന്ന് നടത്തിയ അന്വേഷണത്തിലാണ് മൂവരും പിടിയിലാകുന്നത്.
അറസ്റ്റിലായ മൂന്ന് പേരും മറ്റു കേസുകളില്‍ ഉള്‍പ്പെട്ടിട്ടുണ്ടോ എന്നടക്കമുള്ള വിവരങ്ങള്‍ പോലീസ് അന്വേഷിച്ചുവരികയാണ്. സിഐ കെജെ ജിനേഷിന്റെ നേതൃത്വത്തില്‍ എസ്‌ഐമാരായ ഉണ്ണികൃഷ്ണന്‍, അസീസ്, എഎസ്‌ഐ ബിജു, സിപിഒ ദീപു എന്നിവരടങ്ങിയ സംഘമാണ് പ്രതികളെ പിടികൂടിയത്.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
