കുറ്റിപ്പുറത്ത് മൂന്ന് ബസുകൾ കൂട്ടിയിടിച്ചു

കുറ്റിപ്പുറം: കുറ്റിപ്പുറം-തൃശൂർ സംസ്ഥാന പാതയിൽ കെൽട്രോൺ തങ്ങൾപടിക്ക് സമീപം കാഞ്ഞിരകുറ്റിയിൽ മൂന്ന് സ്വകാര്യ ബസുകൾ അപകടത്തില്പെട്ടു. അപകടത്തിൽ നിരവധി യാത്രക്കാർക്ക് പരിക്കേറ്റു. ഇന്ന് വൈകീട്ട് എട്ടരയോടെയാണ് അപകടമുണ്ടായത്. നാൽപ്പതോളം പേരെ എടപ്പാളിലെ വിവിധ ആശുപത്രികളിലായി പ്രവേശിപ്പിച്ചിട്ടുണ്ട്.തലശ്ശേരിയിൽ നിന്നും തിരുവനന്തപുരത്തേക്ക് പോവുകയായിരുന്ന വിവാഹസംഘം സഞ്ചരിച്ച ടൂറിസ്റ്റ് ബസ്സും എതിരെ വന്ന ഗുരുവായൂർ തലശ്ശേരി റൂട്ടിലോടുന്ന ബസ്സും തമ്മിലാണ് കൂട്ടിയിടിച്ചത്.പുറകിലെത്തിയ തൃശ്ശൂരിൽ നിന്ന് കോഴിക്കോട്ടേക്ക് പോകുകയായിരുന്ന മറ്റൊരു ബസ് ടൂറിസ്റ്റ് ബസിൽ തട്ടുകയുമായിരുന്നെന്ന് നാട്ടുകാർ പറഞ്ഞു.