വട്ടപ്പാറയിൽ വാഹനാപകടം; മൂന്ന് പേർക്ക് പരിക്ക്
വട്ടപ്പാറ: ദേശീയപാത 66ലെ വട്ടപ്പാറയിൽ വാഹനാപകടം. സ്ഥിരം അപകടമേഖലയിലെ ഹെയർപിൻ വളവിൽ വച്ചായിരുന്നു അപകടം. കോഴിക്കോട്ടേക്കു പോകുന്ന ബസ് എതിരെ വന്ന കാറിൽ ഇടിക്കുകയായിരുന്നു. പിറകിൽ വന്ന മറ്റൊരു കാറിലും ഇടിച്ചു. ഇരുകാറുകളുടെയും മുൻഭാഗം തകർന്നു.
ഇടിയുടെ ആഘാതത്തിൽ ബസിന് കാര്യമായ കേടുപാട് സംഭവിച്ചു. ബസിന്റെ മുന്നിലെ ടയർ പൊട്ടിയതിനാൽ റോഡിൽ കിടക്കുകയും തത്ഫലമായി ഒരു മണിക്കൂറോളം ഗതാഗതം സ്തംഭിച്ചു. പിന്നീട് ടയർ മാറ്റി ബസ് റോഡിൽ നിന്നും നീക്കം ചെയ്താണ് ഗതാഗതം പുനസ്ഥാപിച്ചത്.
കാർ യാത്രക്കാർക്കാണ് പരിക്കേറ്റത്. ഇവർ പരപ്പനങ്ങാടി സ്വദേശികളാണെന്നാണ് അറിയാൻ കഴിഞ്ഞത്. ഇവരെ വളാഞ്ചേരി നടക്കാവ് ആശുപത്രിയിൽ പ്രവേശിപ്പിച്ചു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
