പാണ്ടികശാലയിൽ ഓട്ടോയും കാറും കൂട്ടിയിടിച്ചു; മൂന്ന് പേർക്ക് പരിക്ക്

കുറ്റിപ്പുറം: ദേശീയപാത 66ലെ പാണ്ടികശാല അങ്ങാടിക്കു സമീപമുണ്ടായ വാഹനാപകടത്തിൽ മൂന്ന് പേർക്ക് പരിക്ക്. ഇന്ന് രാവിലെ എട്ടരയോടെയാണ് സംഭവമുണ്ടായത്. പടപ്പറമ്പിൽ നിന്ന് എടപ്പാളിലേക്ക് പോവുകയായിരുന്ന ഓട്ടോയുടെ പിറകിൽ തലശ്ശേരിയിൽ നിന്ന് ഗുരുവായൂരിലേക്ക് പോവുകയായിരുന്ന കുടുംബം സഞ്ചരിച്ച കാറിടിക്കുകയായിരുന്നു. ഇടിയുടെ ആഘാതത്തിൽ ഓട്ടോ മറിയുകയായിരുന്നു. ഓട്ടോ റോഡിൽ മറിഞ്ഞതിനെ തുടർന്ന് ഏറെനേരം ഗതാഗതം തടസപ്പെട്ടു.

അപകടം കണ്ട് ഓടിക്കൂടിയ നാട്ടുകാർ ചേർന്നാണ് പരിക്കേറ്റവരെ അശുപത്രിയിലേക്ക് മാറ്റിയതും അപകടത്തിൽ പെട്ട വാഹനങ്ങൾ റോഡിൽ നിന്നും മാറ്റി ഗതാഗതം പുനസ്ഥാപിച്ചതും. പരിക്കേറ്റവരെ വളാഞ്ചേരിയിലെ സ്വകാര്യ ആശുപത്രിയിൽ പ്രവേശിപ്പിച്ചു.