വളാഞ്ചേരി: ബൈക്കിലെത്തിയ മൂന്നംഗസംഘം

വഴിയാത്രക്കാരനിൽനിന്നു പട്ടാപ്പകൽ പണമടങ്ങുന്ന ബാഗ് തട്ടിപ്പറിച്ചു കടന്നു. നാട്ടുകാർ ഓടിക്കൂടി സംഘാംഗങ്ങളിൽ ഒരാളെ പിടികൂടി പൊലീസിൽ ഏൽപിച്ചു. വളാഞ്ചേരി സർവീസ് സഹകരണ ബാങ്ക് ഡെയ്‍ലി കലക്‌ഷൻ പ്രതിനിധിയും നഗരസഭാ ഉപാധ്യക്ഷനുമായ കെ.വി.ഉണ്ണിക്കൃഷ്ണന്റെ പണമാണ് നഷ്ടമായത്.

ഇന്നലെ വൈകിട്ട് പണംപിരിവു കഴിഞ്ഞ് വീട്ടിലേക്കു മടങ്ങുംവഴി വൈക്കത്തൂരിൽവച്ചാണ് ബൈക്കിലെത്തിയ സംഘം അടുത്തെത്തി ബാഗ് തട്ടിപ്പറിച്ചത്. ബൈക്കിൽ രക്ഷപ്പെടാൻ ശ്രമിക്കുന്നതിനിടെ സംഘാംഗങ്ങളിലൊരാൾ, ഓടിക്കൂടിയ നാട്ടുകാരുടെ പിടിയിൽപെടുകയായിരുന്നു.

ഇവർ സഞ്ചരിച്ചിരുന്നതെന്ന് സംഷയിക്കുന്ന മോട്ടോർ ബൈക്ക് തൊട്ടടുത്ത സ്ഥാപനത്തിലെ CCTV ക്യാമറയിൽ പതിഞ്ഞിട്ടുണ്ട്. വാഹനത്തിന്റെ നമ്പർ വ്യാജമാണെന്നാണ് അന്വേഷണത്തിൽ ബോധ്യമായത്