വാറ്റ് ചാരായവുമായി കാറിൽ കടക്കാൻ ശ്രമിച്ച 3 പേർ എടയൂരിൽ പിടിയിൽ

എടയൂർ: എടയൂരിൽ ഒന്നേക്കാൽ ലിറ്റർ വാറ്റ് ചാരായവുമായി 3 പേർ പിടിയിൽ. എടയൂർ സ്വദേശികളായ കളരിക്കൽ വീട്ടിൽ വേലയുധന്റെ മകൻ ശശി (59), കുന്നക്കപറമ്പിൽ കൃഷ്ണന്റെ മകൻ ശ്രീധരൻ (42), ചണ്യാതൊടി കൃഷ്ണന്റെ മകൻ രവി (48) എന്നിവരാണ് പിടിയിലായത്.

പൂക്കാട്ടിരി-മണ്ണത്ത്പറമ്പിൽ നിന്ന് പൂക്കാട്ടിരിയിലേക്ക് കെ.ഇ.ഡി ചട്ടങ്ങൾക്ക് വിരുദ്ധമായി സഞ്ചരിക്കുകയായിരുന്ന കെൽ-54-എം-4835 നമ്പർ കാറിൽ നിന്നാണ് ഒന്നേക്കാൽ ലിറ്റർ വാറ്റ് ചാരായം ചീനിച്ചോട് വച്ച് പിടികൂടിയത്. വളാഞ്ചേരി എസ്.ഐ സിദ്ധീഖ്, സി.പി.ഒമാരായ മനോജ്, അബ്ദുറഹ്മാൻ, അൽതാഫ്, സനൂപ് എന്നിവർ ചേർന്ന് പ്രതികളെ പിടീകൂടി.