ഇരിമ്പിളിയത്ത് മൂന്നു പേർക്ക് തെരുവുനായയുടെ കടിയേറ്റു

വളാഞ്ചേരി : ഇരിമ്പിളിയത്ത് തെരുവുനായ്ക്കളുടെ കടിയേറ്റ് മൂന്നുപേർക്ക് പരിക്ക്. ചോലക്കൽ അറമുഖൻ, കെ.കെ. ജനീഷ്, ചോലക്കൽ ദിനേശൻ എന്നിവർക്കാണ് കടിയേറ്റത്. ഇവരെ തിരൂർ ജില്ലാ ആശുപത്രിയിൽ പ്രവേശിപ്പിച്ചു. ദിവസങ്ങൾക്ക് മുൻപ് കളരിക്കൽ, തിരുനിലം ഭാഗങ്ങളിൽവെച്ച് കാൽനട യാത്രക്കാർക്കും ഇരുചക്രവാഹനത്തിൽ യാത്ര ചെയ്യുന്നവർക്കും നേരെ തെരുവുനായ്ക്കളുടെ അക്രമണമുണ്ടായിരുന്നു. തെരുവുനായ്ക്കളെ നിയന്ത്രിക്കാനാവശ്യമായ നടപടികൾ സ്വീകരിക്കണമെന്ന് മങ്കേരി കൂട്ടായ്മ ആവശ്യപ്പെട്ടു. കെ.പി. യൂസഫ്, എം.ടി. ഉണ്ണികൃഷ്ണൻ, കെ.കെ. രജീഷ്, എ.വി. ബിനേഷ്, പി. ദാമോദരൻ എന്നിവർ പ്രസംഗിച്ചു.