തിരുമാന്ധാംകുന്ന് ക്ഷേത്രം തുറന്നു

അങ്ങാടിപ്പുറം: അങ്ങാടിപ്പുറം തിരുമാന്ധാംകുന്ന് ഭഗവതീക്ഷേത്രം ഭക്തർക്ക് ദർശനത്തിനായി തുറന്നു. വളരെ കുറച്ചുപേരേ ദർശനത്തിനെത്തിയുള്ളൂ. രാവിലെ ഏഴുമുതൽ 10.30 വരെയും വൈകിട്ട് അഞ്ചുമുതൽ 6.30 വരെയും മാത്രമാണ് ദർശനസമയം. പൂജാസമയങ്ങളിൽ പ്രവേശനമില്ല. തെക്കേനടയിലൂടെ മാത്രമാണ് ഭക്തർക്ക് പ്രവേശനം. വടക്കേ നടയും കിഴേക്കേ നടയും അടച്ചിട്ടിരിക്കുകയാണ്. ക്ഷേത്രം ശ്രീശൈലം ഹാളിന് മുന്നിൽ തെർമൽ സ്​കാനർ ഉപയോഗിച്ച് ശരീരോഷ്​മാവ് പരിശോധിച്ച് പേരും വിലാസവും എഴുതിവാങ്ങിയാണ് ഭക്തരെ കയറ്റി വിടുന്നത്. വഴിപാടുകൾ ശീട്ടാക്കാൻ സൗകര്യമുണ്ട്. പക്ഷേ, ഭക്തർക്ക് പ്രസാദം ലഭിക്കില്ല. അങ്ങാടിപ്പുറം മാണിക്യപുരം അയ്യപ്പക്ഷേത്രത്തിലും ദർശനത്തിന് അനുമതിയുണ്ട്. രാവിലെ ഏഴുമുതൽ മുതൽ പത്തുവരെയും വൈകിട്ട് ആറുമുതൽ ഏഴുവരെയുമാണ് ദർശന സമയം.