25 പൈസയുടെ നാണയത്തിൽ ദേശീയ നേതാക്കളുടെ ചിത്രം വരച്ച് തിരൂരിലെ വിദ്യാർഥിനി

തിരൂർ: 25 പൈസയുടെ നാണയത്തിൽ 20 ദേശീയ നേതാക്കളുടെ ചിത്രം വരച്ച് ഇൻ്റർനാഷ്ണൽ ബുക്ക് ഓഫ് റെക്കോർഡിൽ ഇടം നേടിയിരിക്കയാണ് എട്ടാം ക്ലാസ് വിദ്യാർഥിനിയായ ആയിശ രിഫ.
തിരൂർ പൊയ്ലിശേരിയിലെ ഇട്ടി കപറമ്പിൽ പാലക്കൽ അബ്ദുല്ലത്തീഫ് – റംല ദമ്പതികളുടെ മകളാണ് ആയിശ രിഫ. മഹാത്മാഗാന്ധി, ജവഹർലാൽ നെഹ്റു, അംബേദ്ക്കർ, സുഭാഷ് ചന്ദ്ര ബോസ് തുടങ്ങി 20 ദേശീയ നേതാക്കളുടെ ചിത്രമാണ് 25 പൈസ നാണയത്തിൽ വരച്ചത്.പോളി വിദ്യാഭ്യാസം കഴിഞ്ഞ സഹോദരൻ അബ്ദു റഊഫിൻ്റെ പിന്തുണയിലാണ് രിഫ നേട്ടം കൈവരിച്ചത്. ആലത്തിയൂർ എം ഇ ടി ഇംഗ്ലീഷ് മീഡിയം ഹൈസ്കൂളിലെ എട്ടാം ക്ലാസ് വിദ്യാർത്ഥിനിയാണ് ആയിശ രിഫ.പാഠ്യ- പാഠ്യേതര വിഷയങ്ങളിൽ മികവ് പുലർത്തുന്ന ആയിശ രിഫ എൽ എസ് എസ് സ്കോളർഷിപ്പും നേടിയിട്ടുണ്ട്