പൈങ്കണ്ണൂരിൽ ഓടിക്കൊണ്ടിരുന്ന കാറിന് തീപ്പിടിച്ചു; ആളപായമില്ല

വളാഞ്ചേരി: ദേശീയപാത 66ലെ വളാഞ്ചേരി പൈങ്കണ്ണൂരിൽ ഓടിക്കൊണ്ടിരുന്ന കാറിന് തീപ്പിടിച്ചു. ഇന്ന് രാവിലെ ഒമ്പത് മണിയോടെയാണ് സംഭവമുണ്ടായത്. കുറ്റിപ്പുറം ഭാഗത്തേക്ക് പോവുകയായിരുന്ന ടൊയോട്ട എറ്റിയോസ് ലിവ കാറിനാണ് തീപ്പിടിച്ചത്. പുക ഉയരുന്നത് കണ്ടയുടൻ വാഹനം ഒതുക്കി യാത്രക്കാർ പുറത്തിറങ്ങിയ ഉടൻ മുൻവശത്ത് തീ ആളിപ്പടരുകയായിരുന്നു. തീ പടരുന്നത് കണ്ട നാട്ടുകാരാണ് തൊട്ടടുത്ത് റോഡ്പണി നടക്കുന്നയിടത്തുനിന്ന് വെള്ളം പമ്പ് ചെയ്ത് തീ കെടുത്തിയത്.